ESG Dom Carlos F.X. Belo Prontu Ezame

Eskola Sekundariu Jeral Dom Carlos F.X.Belo prepara ona atu tuir exame nasional sei hahu iha loron 16 fulan Outubru 2020 tuir kalendario edukasaun nasional. (Foto: Estudante UFD Baucau/Tomas Reis)

BAUCAU, STLNEWS.co – Eskola Sekundariu Jeral Dom Carlos F.X.Belo prepara ona atu tuir exame nasional sei hahu iha loron 16 fulan Outubru 2020 tuir kalendariu edukasaun nasional.

Ezame nasional sei hahu iha dia 16 ate 18 no sei kontinua ezame lokal iha dia 19 ate 21. Kestaun nee hatoo husi koordenador eskola Carlos F. Ximenes ba STL iha nia knaar fatin Quelekai, Sesta (23/10/2020).

“Estudante 30 ano iha eskola sekundario jeral Dom Carlos F.X.Belo neebe mak atu tuir exame nasional hamutuk 31 pesoas” Hatete koordenador eskola.

Koordenador hatutan maski hasoru moras pandemia Covid-19 maibe professoras la lakon sira nia vontade nafatin hanorin tuir orientasaun husi Ministerio Edukasaun no Edukasaun Rejional Munisipiu Baucau mos fo matriz ba kada eskola nune professores sira mos hanorin tuir matriz nebe mak iha.

Nia husu ba estudante sira maske hasoru dezafiu barak liu husi pandemia Covid-19, maibe nundar estudante nafatin estuda materia nebee mak mestre sira hanorin ona atu nunee atinje mehi liu estudante idak idak nia luta durante tinan tolu iha eskola sekundaria, tanba atu sai finalista nebee diak prioridade mak estuda kuandu lakohi estuda ho diak imposivel atu hetan valor nebee diak.

Iha fatin hanesan estudante Gaudensiana Coreia 30 ano hateten nuudar estudante antes halo preparasaun wainhira hasoru ezame nasional, tamba ezame nasional mos nundar funu boot ida.

“Ezame nasional mos hanesan gunu boot ida mai ami 30 ano sira, maske iha ita nia rai doben Timor mos infrenta moras Covid-19 maibe ami nia mestre iha eskola ida nee mos sei hanorin ami, maski loron ida hanorin ami oras rua balun deit, maibe ami sente sufisiente ona material nebee mak sira hanorin mai ami atu hasoru ezame nasional” dehan estudante.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here