ESJ 4 Setembru Selebra Aniversariu

Eskola Ensinu Sekundariu Jeral 4 de Setembru Unamet Dili, selebra aniversariu ba dala 21, ho misa agredesimentu iha Igreja Balide. (Photo: STL News/Joaninha Belo)

DILI, STLNEWS.co – Eskola Ensinu Sekundariu Jeral 4 de Setembru Unamet Dili, selebra aniversariu ba dala 21, ho misa agredesimentu iha Igreja Balide.

Lia hirak nee hatoo husi Diretor Interinu Eskola Ensinu Sekundariu Jeral 4 de Setembru Unamet, Sergio A. da Cruz ba Jornalista sira, iha Igreja Balide, Sesta (04/09/2020).

Nia dehan aniversariu tinan nee laiha atividade neebe halao iha eskola, maibe iha deit refleksaun misa agradesementu, depois remata misa estudante idak-idak fila ba uma, atu nunee prepa ba loron 7 Setembru tuir ezame segundu periode.

“Hau nia lideransa gosta liu halao isar bandeira ho misa doke festa, isar bandeira nee diak, tanba fo honra ba bandeira RDTL no fo minute silensiu ba heroi sira ho konta Hino Nasional duke ita festa festa,” dehan Sergio.

Sergio esplika aniversariu agora la henesan tinan kotuk ba iha nia lideransa aniversariu halao isar bandeira, eskola iha momentu neeba nomos konvida Ministra Edukasaun Joventude no Desportu partisipa hamutuk estudante sira.

“Hau nia lideransa hau la laprega orsamentu ba iha festa nian, iha tinan kotuk lideransa sira seluk prega orsamentu ba aniversariu nee, tanba hau lakoi bainhira halo festa ho montante neebe boot, kria problema estudante tuda malu,” nia esplika.

Reportajen: Joaninha Belo
Editora: Carme Ximenes

LEAVE A REPLY

Please enter your comment!
Please enter your name here