Eskola 30 Iha Baucau Asina Kontratu Ho MEJD

BAUCAU, STLNEWS.co – Ohin Loron 8 fulan Setembru tinan 2021, eskola tolu nulu (30) iha Munisipiu Baucau, neebe hetan Programa Konstrusaun no Reabilitasaun Infrastrutura Edukativa (PKRIE), asina  kontratu ho Ministeriu Edukasaun, Juventude, no Desportu (MEJD).

Lia hirak nee hato’o husi Diretor Servisu Edukasaun Munisipiu Baucau, Augusto Ornai Ximenes ba jornalista, bainhira remata asina kontratu ho grupu komunitariu sira iha salaun edukasaun Munisipiu Baucau, Sesta nee (08/10/2021).

Nia hatete, Ministeiru Edukasaun, Juventude, no Desportu, fo  kontrusaun sala foun no reabilitasaun ba eskola sira iha Munisipiu Baucau hamutuk tolu nulu (30), nunee iha loron 8 fulan Setembru tinan 2021 nee, MEJD halo ona kontratu ho grupu komunitariu sira, tuir mata dalan diploma ministerial Nu.35 nian, konaba implementasaun PKRIE, nunee iha tempu besik bele implementa ona projetu hirak nee.

“Hahu ohin, kontratu hahu, bainhira hetan ona aprovasaun husi ministeriu, sira komesa loke konta bankaria, osan tama iha konta bankaria, hahu ezekuta ona,” dehan Augusto.

Nia hatutan, husi eskola 30 neebe mak hetan PKRIE, eskola EBF Bucoli mak hetan orsamentu kiik liu, tanba halo deit reabilitasaun ba sala rua, maibe hetan orsamentu boot liu iha programa PKRIE mak eskola sekundaria jeral Postu Administrativu Baguia.

Orsamentu neebe mak ezekuta ba programa konstrusaun no reabilitasaun infraestrutura edukativa hahu husi mil US$ 30 to’o mil US$ 160.

Nia hatete, vantajen husi programa PKRIE nee mak, la liu husi tenderizasaun fo ba kompania sira, maibe orsamentu nee fo deit ba grupu komunitariu sira.

Iha fatin hanesan, Koordenadora EBF Zona Golgota Floriana dos Santos Marquis hatete, iha atividade nee, asina termu kontratu ho edukasaun nasional, atu hahu konstrusaun sala foun no halo reabilitasaun ba eskola sira iha Munisipiu Baucau, husi EBF Golgota hetan konstrusaun sala foun 3 no eskritóriu ba profesores ida 1.

Durante nee eskola EBF Golgota laiha sala eskritóriu ba Profesores sira, uza deit sala biblioteka sai sala eskritóriu ba Profesores sira.

Orsamentu ba programa nee, neebe mak eskola EBF Golgota hetan atu konstrui sala foun 3 no sala eskritoriu ba profesores nian 1, hamutuk pur volta oitu mill nove sentus (US$ 8.900) ital, nunee nia hatete, orsamentu nee sufisiente ou lae, hanesan responsavel ba eskola nee, sei esforsu hodi bele atinje to’o projetu nee remata.*

Reportajen: MJ-1

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...