Eskola Ba Uma La efisiensia

DILI, STLNEWS.co – Suspende atividade eskola governu liu husi Ministriu Edukasaun, Juventude, no Desportu (MEJD), halao programa eskola ba uma, maibe la efisiensia ba estudante sira, tanba estudante barak mak halimar no la akompana televizaun.

Dosente UNTL Julio Aparicio dehan, eskola ba uma liu husi televizaun atu nunee estudante iha uma, estudante neebe iha area rurais, iha Munisipiu Dili bele asesu, maibe kondisaun la permite para eskola ba uma liu husi televizaun.

“Ba hau la hatene programa eskola ba uma nee halo oinsa, la efisiensia tanba ninia impaktu halo estudante sira la estuda, i ema labele kontrola estudante akompana televizaun, laiha kualidade edukasaun, kualidade menus ba beibeik laos diak,” preokupasaun nee hato’o husi Dosente UNTL Julio Aparicio liu husi telefone, Kinta (02/09/2021).

Nia haktuir, eskola hira mak iha Dili laran, serake professores hotu – hotu   ba iha RTTL.ep hanorin materia sira nee.

Julio dehan, ida nee imposivel, maibe hau la hatene dala ruma ema matenek sira iha maneira bele hasae kualidade edukasaun liu husi programa eskola ba uma.

“Hau tauk ida nee benefisiu deit ba grupu balun, benefisiu ba ministeriu sira ou ema balun deit, povu mak sente la aproveita buat ruma liu – liu estudante sira, ida nee mak haree didiak,” dehan Julio.

Nia haktuir, eskola ba uma oinsa sira bele kontrola katak estudante sira ativu, ba hau programa neebe la efetivu ba estudante sira atu estuda, no ajuda estudante sira atu hasae ninia kualidade edukasaun.

Tanba nee mak ba hau nee programa eskola ba uma bele lao, maibe nia impaktu sei aat hanesan agora dadaun la eskola, estudante barak mak la tuir ezame, barak la asesu ba edukasaun.

Uluk aula prezensial estudante barak atu lee, maibe libraria laiha, livru laiha sa tan agora livru laiha ita fo sai iha televizaun nee tebes ka lae, dala ruma estudante sira mos iha uma la haree tan televizaun.

Oinsa atu kontrola estudante sira neebe mak ativu tuur iha televizaun hodi rona professor sira esplika liu husi online nee.

Realidade neebe implementa iha universidade esperensia barak neebe mai husi professores sira, dehan estudante la ativu mak barak, ezemplu estudante ema nain 70 ema ativu iha online nain 10 ou 20 mak ativu.

Entretantu antes nee, Diretora Jeral Politika Planeamentu I Inkluzivu, Odilia das Dores Ung Martins hatete, pandemia Covid-19 neebe afetadu tebes – tebes prosesu aprendizajen iha rai laran, liu – liu ba ita nia oan sira neebe mak labele asesu sira nia estudu.

Tanba deit moras ida nee entaun iha tinan kotuk Covid-19, komesa ameasa ita nia rai laran mos, bainhira estadu dekreta ona Estadu Emerjensia (EE) ba iha Timor Leste iha momentu neeba kedas ita tenke foti ona medida ruma atu responde ba situasaun, liu – liu prosesu aprendizajen.*

Reportajen: Joaninha Belo

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: