Eskola Kontinua Lao Maibe Tuir Regra

Primeiru Ministru Taur Matan Ruak hatete iha Estadu Emerjensia ba da-9, atividade eskola kontinua lao, maibe kumpre nafatin regra neebe iha. (Foto: Media PR)

DILI, STLNEWS.co – Primeiru Ministru Taur Matan Ruak hatete iha Estadu Emerjensia ba da-9, atividade eskola kontinua lao, maibe kumpre nafatin regra neebe iha.

Xefe Governu hatoo kestaun nee ba Jornalist,a bainhira remata hasoru malu ho Prezidente Republika, Francisco Guterres Lú Olo, iha Palasiu Prezidente, Nicolau Lobato, Bairru Pite, Dili, Kinta (07/01/2021).

“Kona ba eskola laiha desizaun taka simplesmente edukasaun halo sirkular ida para eduka eskola sira bele kontinua, mais observa rigorozamente medidas sira fo sai distansiamente sosial fase liman, buat sira nee hanesan nee Eskola sira tenke observa ida nee,” hatete PM Taur.

Nia dehan, nunee mos kon aba atividade sesta bazika kontinua, maibe tenke observa medidas sira neebe fo sai ona no ministeriu sira halo hela esforsu atividade lapara totalmente, maibe tenke kompre regra sira neebe Governu toma.

“Ita husu para sira observa tanba nee laos buat foun ida estadu emerjensia nee ba dala sia ona, estadu emerjensia neebe mak duru liu mak premeiru no segundu nee, ita konsege ona ba dala sia lolos nee ita espresa diak ona para ita imfrenta tan, tanba saida mak ita komplika tan, dala barak ita kria komfuzaun ba ita nia aan, tanba nee mak hau nia hanoin ba populasaun sira lalika preokupa atividade sira nia lao maibe distansia sosial medida hizene tenke kompre,” nia hatete.

Iha biban nee PM mos lori governu nia hatoo agradese ba Bispu no Igreja, tanba kolabora ona ho governu hodi minimiza risku Covid-19 mai rai laran.

“Ita iha dekretu Governu ba ezekusaun medidas sira nee, iha medidas lubuk ida iha neeba, ida mak Impede relizioza tanba nee misa sira para, ida nee hau lori Governu nia naran hatoo agradese ba ita nia Amo Bispu sira ba nia kooperasaun neebe minimiza risku kontaziu iha ita nia sidadaun sira” katak nia.

Nia mos husu sidadaun hotu bainhira atividade sira lao tenke kumpre nafatin regra neebe mak hatun katak iha distansia sosial, no fase liman nafatin ho sabaun nunee bele hadook aan husi moras aat nee rasik.*

Reportajen: Emerenciana Pinto
Editora: Carme Ximenes

LEAVE A REPLY

Please enter your comment!
Please enter your name here