Eskola Kumpre Desizaun Governu

DILI, STLNEWS.co – Parte eskola nafatin kumpre desizaun husi governu, neebe kontinua estende serka sanitaria iha kapital Dili, hodi ensinu aprendizajen seidauk lao iha eskola sira.

Tuir Diretor ESJ no. 4 Setembru Balide, Sergio A.da Cruz katak, hanesan mos funsionariu sempre koopera ho governu, maibe aprendizajen la lao, tanba ema hotu tenke kumpre regras hirak neebe estabelese ona iha implementasaun serka sanitaria nia laran, tanba nee husi eskola hein deit bainhira mak serka sanitaria nee remata.

“Hau hanoin ita kumpre deit ona desizaun husi ita nia governu, tanba nee interese ba vida moris povu nian, matenek nee ita sei bele buka no aprende tuir mai, maibe vida kuandu lakon sei la moris fali, entaun ita hotu tenke hakruk ba desizaun neebe ita nia governu hasai, no ita hein bainhira mak serka sanitaria nee bele remata, atu nunee ita bele halao fali ita nian ensinu aprendizajen iha eskola sira,” dehan Sergio ba STL liu husi telefone, Sesta (04/06/2021).

Nia dehan, professor sira tama maibe numeru nee la barak liu, tanba dadaun nee sei iha faze serka sanitaria nia laran, evita ema halibur malu, entaun professor sira labele tama barak liu, karik iha asuntu ruma atu koalia, nee bele ba iha eskola maibe labele barak.

Iha parte seluk, Diretor eskola sekundariu Nobel da Paz, Pedro Nunes Menezes dehan, ho aplikasaun serka sanitaria nee, estudante sira iha uma maibe professor nafatin tama iha eskola, atu nunee bele halao enkontru ruma, liu-liu koalia asuntu importante, aleinde nee mos hein estudante sira bele mai foti materia rezumu sira nee.

“Hau hanoin hau nian professores sira kada disiplina sempre tama, para hodi hein estudante sira bele mai foti materia rezumu sira nee, tanba ho serka sanitaria nee ita labele halao aprendizajen iha eskola,” afirma nia.*

Reportajen:Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik aan ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...
%d bloggers like this: