Eskola Online Benifisia Estudante Inan Aman Iha Osan

DILI, STLNEWS.co – Premiadu Nobel da Paz, Jose Ramos Horta konsidera eskola online, benifisiu deit ba estudante sira neebe inan ho aman neebe iha osan barak.

Nia dehan, Covid-19 global ekonomia nee fo impaktu ba labarik sira, no liu liu Timor problema boot maka konaba eskola online.

“Liu husi online presiza tebes telemovel neebe diak no kualidade ka laptop neebe diak no rede internet neebe diak no selu karun, nunee ida eskola online nee realidade labenefisia no benifisia ba estudante sira neebe inan aman osan barak, maibe kuitadu ba sira neebe osan laiha inan aman kbiit laek,” dehan Premiadu Nobel da Paz, Jose Ramos Horta, ba jornalista iha Rezidensia PM, Farol, Dili, Tersa (01/06/2021).

Horta husu tau matan ba edukasaun infantil, tanba Covid-19 global ekonomia nee impaktu ba labarik sira, tanba nee signifika estudante sira neebe sei kiik oan iha primaria nee nunka garantia katak sira aprende buat ruma, tanba nee nen 1% maka benifisia husi online.

“Konsekuensia Covid-19 iha krize ekonomia mundial maka hanesan fulan neen liu ba, neebe alerta ona sentenas de milloens labarik iha mundu afetadu, laos ba Timor deit,” nia sublina

Nia dehan, atu rezolve ida nee maka dalan diak profesores sira hotu halo vasina, tantu staf sira iha eskola hotu hotu halo vasina, aleinde nee prepara mos kondisaun sira iha eskola nunee kumpri regras sira, hanoin katak eskola bele reativa hikas.

Antes nee, Assisten Dosente Fakuldade Siensia Sosiais no Politika UNTL Inocencio Xavier haktuir, haree ba kestaun kualiadade edukasaun ohin loron, liu liu haree ba iha situasaun ambitu pandemia Covid-19, bele dehan katak ho numeru persentajen karik tuun liu 55%.

“Hau dehan hanesan estudante sira laiha fasilidade liu liu liga ho eskola utilizasaun plataforma eskola online, iha kolokasaun tuir mai maka rede internet neebe lakonsege simu ema barak, kestaun kapasidade ekonomika neebe kada estudante ida-idak iha,” tenik nia.*

Reportajen: Santina Castro
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

MEJD Planu Sei Harii Tan Eskola

DILI, STLNEWS.co - Ministru Edukasaun, Juventude, no Desportu (MEJD), Armindo Maia hateten, tinan nee governu liu husi MEJD sei harii tan eskola hamutuk 250...

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...
%d bloggers like this: