Eskola Online Impaktu Ba Estudante Area Rurais

DILI, STLNEWS.co – Relasiona ho pandemia surtu Covid-19, governu liu husi Ministeriu Edukasaun, Juventude no Desportu (MEJD), halao programa eskola liu husi media online, impaktu ba estudante sira neebe hela iha area rurais, tanba laasesu ba eletrisidade.

Tuir Xefe Suku Gariwai Munisipiu Baucau, Arlindo Belo Freitas katak Covid-19, governu liu husi Ministeriu Edukasasun, Juventude no Desportu (MEJD) estudante balu neebe asesu ba internet liu husi telefone neebe diak hanesan Android, maibe estudante neebe inan aman kondisaun araska labele sosa telfone atu nunee estudante uza hodi class online, oinsa sira bele asesu ba online.

Tanba nee governu atu implementa programa iha planu no tenke haree ba kondisaun real neebe iha, tanba estudante neebe eskola laos ema riku nia oan hotu, maibe ema kiak nia oan mos iha, neebe laos atu uza hotu telefone neebe diak, atu nunee bele asesu ba online no eskola.

“Sira neebe maka hela iha area rurais laasesu ba eletrisidade sira atu uza saida hodi asesu ba ba class online, hanesan ami nia iha Aldeia Watuwa eletrisidade laiha, oinsa bele asesu ba eskola online, dehan Arlindo ba STL liu husi telefone, Segunda (24/05/2021).

Nia haktuir, planu governu neebe maka implementa laharee ba vantajen no desvantajen liu-liu ba estudante iha Timor laran tomak nee kondisaun hanesan kalae, ida nee maka presiza tenke haree.

Eskola iha publiku diak, maibe eskola iha privadu neebe dadaun inan aman selu ona no karun iha Fatumaka neeba estudante neebe maka tama ho osan neebe valor boot, agora dadaun sira abandona hanesan nee, sentimentu estudante sente triste.

Tanba atu lidera ita nasaun presiza ema neebe matenek, maibe sira halo impedementu ba prosesu ensinu atividade eskola ida nee nee sai preokupasaun ba komunidade, hau koko tur hamutuk ho komunidade sira dada lia hatete.

Entretantu Vice Reitor Estudantil IPDC, Jaime da Costa, hatete eskola online mak realiza tenta nafatin buka meius, atu nunee halao prosesu aprendizajen durante estadu emerjensia, rede neebe failha hanesan TT, Telemor, no Telekomcel ida nee mak prejudika prosesu aprendizajen.

Tanba nee IPDC husu ba governu halo aprosimasaun parte internet, bele normaliza internet ba estudante sira neebe iha foho Dili atu nunee realiza prosesu aprendizajen ho kondisaun neebe diak.

Nia relata, kestaun ida nee husi parte retoria nia no dosente sira hamutuk oinsa realiza nafatin prosesu aprendizajen, mesmu estudante feriadu ona.*

Reportajen: Joaninha belo
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: