Eskola Online, Osan Laiha Sosa Pulsa

DILI, STLNEWS.co – Relasiona ho governu implementa serka sanitaria no konfinamentu obrigatoriu, halo atividade la lao, ho ida nee governu halo programa eskola online, maibe inan aman laiha osan atu sosa pulsa hodi asesu ba iha eskola online.

Tuir Autoridade Lokal, Rui Satorio katak, governu bandu povu halo atividade no tenke hakmatek iha uma, se hanesan nee atu hetan osan husi neebe para sosa pulsa atu bele asesu eskola online.

“Osan iha neebe atu fo oan sira sosa pulsa ense ba telefone, atu nunee sira asesu ba iha eskola online,” preokupasaun nee hatoo husi Xefe Suku Samalari, Munisipiu Baucau, Rui Satorio Magno Sequeira ba STL liu husi telefone, Tersa (8/06/2021).

Nia haktuir, inan aman preokupa ba eskola online, tanba oinsa sira hetan osan se agora bandu ema hotu-hotu iha uma deit, osan husi neebe atu fasilita oan sira eskola online, situasaun agora nee araska hetan osan hodi sosa pulsa, atu sosa hahan mos laiha ona ba tan pulsa, nee duni tetu didiak antes foti desizaun, tanba impaktu ba povu kiik sira.

Governu hakarak povu nia oan eskola online nee diak no kapas atu fasilita sira iha situasaun defisil, maibe sira neebe laiha televizaun, telefone android, entaun governu sosa fo ba povu idak-idak tau iha uma, atu nunee programa eskola online sira bele akompania prosesu aprendizajen.

Entretantu estudante Dili Institute of Technology (DIT), Luis da Silva hatete, eskola online nee diak, maibe laiha osan sosa pulsa, tanba relasiona ho Covid-19, numeru pozitivu aumenta ho ida nee governu implementa serka sanitaria no konfinamentu obrigatoriu, dalan taka inan aman labele transfere osan mai sira, oinsa atu asesu ba eskola online.

Nia haktuir, inan aman moris ho vida agrikultura maibe situasaun ida nee sira susar hetan osan tanba atividade la lao, labele lori produtu neebe sira hetan hodi ba asesu iha merkadu, entaun iha uma deit lahetan osan.

Reportajen: Joaninha Belo
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • PSA Vasina https://youtu.be/YnwLmcGBFOs Ministério dos Assuntos Parlamentares...
%d bloggers like this: