Eskola Sekundariu Nobel da Paz Simu Estudante Foun 300

DILI, STLNEWS. co – Eskola Sekundariu Nobel da Paz tinan nee sei simu estudantes foun hamutuk atus tolu (300).

Kestaun nee hatoo husi Adjuntu Diretor Eskola Sekundariu Nobel da Paz, Agostinho Pinto ba STL liu husi telefone, Domingu (02/01/2022).

“Ami seidauk enkontru konaba asuntu atu simu estudantes foun nee, maibe Tersa agora mak ami foin enkontru, konaba kondisaun atual garante hela, ho ida nee tinan nee ami sei simu estudantes foun to’o 300, tanba ita atu simu barak liu ida nee sala de aulas mak la sufisiente, maibe 300 alunus nee sufisiente hela ho sala atual neebe agora dadaun ami iha ona,” dehan nia.

Agostinho dehan, tuir kalendariu husi edukasaun iha loron 13 fulan Janeiru, maibe sira sei loke inskrisaun ba etapa dahuluk hahu husi loron 4 ou 5 semana nee, depois sei kontinua fali iha loron 13 – 22 fulan Janeiru.

“Konaba fasilidade no kondisaun diak hela, tanba ita haree kada tinan nee ita nian estudantes barak mak tama eskola iha Nobel da Paz, ho ida nee fasilidade ba ita nia estudantes ita tenke prepara ba sira,” afirma nia.

Iha parte seluk, Jose Gonçalves hanesan professor materia edukasaun sivika e direitu humanus iha EBC 10 de Dezembru Comoro hatete, simu estudantes foun nee husu deit iha diretor eskola tanba nia mak iha kompetensia liu ba asuntu ida nee.

“Hau hanoin asuntu simu estudantes nee husu iha diretor eskola tanba ida nee ninia kompetensia,” tenik nia.

(jac)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 24 Janeiru: Kazu Pozitivu Nain 1

DILI, STLNEWS.co – Ohin loron 24 fulan Janeiru tinan 2022, hodi Koordenadora Jeral Surtu Covid-19, Ministeriu da Saude, deteta kazu pozitivu nain 1 husi...

MCAE – MTK Atualiza Progresu Investimentu Fibra Optika Ba PM Taur

DILI, STLNEWS.co – Ministru Koordenador Asuntu Ekonomia (MCAE) Joaquim Amaral no Ministru Transporte Komunikasaun Sosial (MTK) Jose Agostinho da Silva, aprezenta progresu investimentu projetu...

MESSK Sei Asina Nota Entendimentu Ho Universidade Privadu, Fasilita Lina Kreditu

DILI, STLNEWS.co – Ministeriu Ensinu Superior Siensia no kultura (MESSK) sei asina nota entendimentu ho Universidade Privadu sira, hodi fasilita lina kreditu. Ministru Ensinu Superior...