Estudante Finalista 97% Passa EN

Ministru Edukasaun, Juventude, no Desportu (MEJD), Armindo Maia. (Foto: STL/Blandina Mauno)

DILI, STLNEWS.co – Ministeriu Edukasaun, Juventude, no Desportu (MEJD) anunsiu rezultadu Ezame Nasional (EN), ba estudante finalista sira iha Timor laran tomak, ba alunus neebe passa iha 97%.

Ministru Edukasaun, Juventude, no Desportu (MEJD), Armindo Maia hatete, MEJD anunsia rezultadu EN ba eskola sira iha Timor laran tomak hanesan, relativu ba anu lektivu 2020 komesa iha dia 16 too 18 Novembru 2020, neebe alunus sira 90 husi Ensinu Baziku no 120 Ensinu Sekundariu Jeral.

“Husi total 55.072 alunus neebe tuir EN, passa iha EN 53,425 (97%) no 1,647 (3%) lapassa,” hatete Ministru MEJD, Armindo Maia liu husi anunsiu rezultadu EN, iha Salaun MEJD, Vila Verde, Dili, Sesta (18/12/2020).

Nia dehan, relativamentu ba iha 90 anu husi Ensinu Baziku total 30.359 alunus neebe eskritus ba EN, estudante neebe mak liu iha EN hamutuk 29.437 (96,96%) no 922 (3,03%) alunus lapasa.

Relasiona ho Ensinu Sekundariu neebe ho total 20.145 alunus, neebe eskritus iha EN, liu mak 19.671 (97,65%) no 474 (2,35%) lapassa.

Governante nee hatutan, relasiona Ensinu Sekundariu Tekniku Vokasional neebe ho total 4.568 alunus eskritu iha EN, ba sira neebe liu ka passa hamutuk 4.317 (94,50%) no 251 (5,40%) lapassa.

Reportajen: Blandina Mauno
Editora: Carme Ximenes

LEAVE A REPLY

Please enter your comment!
Please enter your name here