Estudante Labele Toba Deit

DILI, STLNEWS.co – Ministru Edukasaun, Juventude, no Desportu (MEJD), Armindo Maia hatoo mensajen ba estudante refujiadus neebe afeta inundasaun no hela iha fatin Eskola hanesan Infordepe, ESG 4 Setembru Balide, EBF Metiaut, EBC 10 Dezembru Comoro no EBF Tasi-Tolu, atu labele toba deit oinsa aproveita tempu hodi estuda ho livru no lapijeira, neebe mak MEJD oferese ba sira.

Nia hatete, MEJD ohin vizita eskola no haree situasaun deslokadu ho refujiadus sira aumesmu tempu MEJD fo apoiu ruma ba sira, no ajuda nee tanba hetan tulun husi belun sira hanesan Embaixada Portugal, UNICEF, HANDS no sira seluk tan.

“Mensajen ohin husik hela ba estudante sira katak ajuda neebe iha uza no fahe entre sira ho diak, ami mos hanesan MEJD distribui material neebe ba labarik sira, nunee sira labele toba deit, ita mos iha livru, kadernu no bola para fo ba labarik sira, labele servisu aproveita tempu,” dehan Ministru Armindo, ba jornalista iha EBC 10 Dezembru Comoro Sabadu (10/04/2021).

Alende nee mos husi UNICEF hatete katak talvez iha fatin balun sei tau televizaun para estudante sira bele eskola ba uma no seluk tan, neebe MEJD fo sai.

Nia salienta, eskola publika ka estadu nian, komunidade sira okupa hela, maibe importante mak tau matan ba eskola nee, bainhira kondisaun uma diak ona, bele fila ba uma, governu bele uza fali.*

Reportajen: Blandina Mauno
Editora: Josefa Parada

LEAVE A REPLY

Please enter your comment!
Please enter your name here