Estudante Nobel da Paz La Asesu Eskola Online 99%

Diretor Nobel da Paz, Pedro Nunes Menezes. (Foto: STL/Blandina Mauno)

DILI, STLNEWS.co – Relasiona implementa serka sanitaria iha munisipiu Dili, estudante barak iha Nobel da Paz, la asesu ba prosesu aprendizajen online.

Diretor Nobel da Paz Pedro, Nunes Menezes hatete, nia observa katak, estudante barak maka latuir prosesu aprendizajen online.

“Hau nota katak estudantes sei la asesu programas eskola ba uma 99%, tanba fasilita balun mai importante mak governu la prepara uluk hansan eletrisidade, folin ba internet no mos estudantes balun laiha telefone android, la iha osan atu sosa pulsa,” dehan Pedro ba STL, liu husi telefone, Tersa (06/04/2021).

Nia hatutan, kompania TT, Telemor, Telcomcel sira mak kontinua hetan lukru. Tanba governu lahalo negosiasaun ba kompania atu hatun folin internet.

“Dala ruma mos estudantes la akompana ba programa eskola ba uma nee, tanba sira trauma no preokupa ba Covid-19,” nia dehan.

Iha sikun seluk, Diretor EBC 30 Augustu Comoro, Filomeno Salsinho, hatete, ba ida nee nia la garante 100% tanba kondisaun agora lao defisil liu.

“Ita hatene agora familia/inan aman barak lakon empregu, osan laiha, lina internet defisil,” nia tenik.

Reportajen: Blandina Mauno/Jacinta Siqueira
Editor: Ekipa STL

LEAVE A REPLY

Please enter your comment!
Please enter your name here