Estudante Susar Asesu Eskola Online

DILI, STLNEWS.co – Durante nee estudante sira susar asesu eskola online, tanba koneksi internet la estavel ou lentu.

Estudante Universidade Nasional Timor Lorosae (UNTL) Fakuldade Edukasaun Arte e Humanidade (FEAH) husi Departamentu Fizika, Silvia Fabiola Boavida hatete, nia rasik sente difisil tebes atu bele akompania eskola online, tanba problema rede internet neebe ladun estavel, fo impaktu ba aula de online labele lao ho diak (normal).

“Internet sai hanesan problema boot ida ba ami estudante atu bele asesu eskola online nee, tamba dala ruma profesor sira nia lian kotu-kotu, no halo ami labele adapta materia ho diak,” dehan nia ba STL, Sesta (11/06/2021).

Nia hatutan, posibilidade eskola online nee sei la bele iha vantajen ba estudante sira tanba problema rede internet.

“Ami iha area exata nee iha kalkulasaun materia, se kuandu profesor sira nia lian la mos no saida mak sira esplika ami la rona, ho nunee difisil tebes atu bele komprende materia nee,” tenik nia.

Nia sujere, sekarik bele parte Ministeriu relevante bele foti kestaun ba problema nee, hodi bele buka solusaun, atu bele solusiona rede Internet nee.

Fabiola informa, durante nee sira halao eskola online liu husi WhatsApp Group, Google Meet ho Zoom, sempre hasoru problema rede Internet, neebe la estavel.*

Reportajen: Claudios de Jesus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • PSA Vasina https://youtu.be/YnwLmcGBFOs Ministério dos Assuntos Parlamentares...
%d bloggers like this: