Estudante Timoroan Husu PN – Governu Solusiona Estudu Iha Indonezia

DILI, STLNEWS.co – Estudante Timor oan neebe halao estudu iha universidade Indonezia 212, neebe iha hela Timor husu ba governu Timor Leste, Parlamentu Nasional (PN) halao komunikasaun ho Governu Indonezia buka solusaun ba sira nia estudu, tanba problema Covid impaktu tebes ba sira.

Tuir Joanito da Silva Ximenes nuudar portavoz Estudante Timor oan Eskola iha Indonezia hatete, sira mai hasoru Komisaun G PN, neebe trata asuntu edukasaun nian hodi koalia kona ba sira estudante neebe halao estudu iha Indonezia, maibe agora pozisaun iha hela Timor. Oras nee sira nia dokumentus hanesan KITAS mate, labele fila ba Indonezia hodi halao graduasaun, balu ba peskija nomos ba estajiu. Nunee mos haree ba situasaun lina ka rede internet neebe iha Timor ho nunee mak mai komisaun G hodi hatoo sira nia preokupasaun, sira neebe eskola iha Indonezia.

“Tuir dadus neebe iha total estudantes 212, i ami ezije atu PN ho Governu atu tau atensaun imediata no halo ko humunikasaun ho Indonezia, atu normaliza hikas prosesu estudu atu nunee estudante Timoroan sira iha Timor fila ba kontinua estudu hodi trata dokumentus sira neebe mate ona”, katak Joanito bainhira ba hasoru komisaun G, Kinta (29/04/2021) iha PN.

Tuir nia haree ba extende EE, portu entrada sira taka, tanba nee mai hasoru komisaun G oinsa mak bele buka solusaun.

Hatan ba kestaun nee Prezidente Komisaun G Deputadu Antonio Verdial hatete, Komisaun G neebe trata asuntu edukasaun, sidadania no kultura agradese tebes ba estudante sira tanba bele mai hasoru ona Komisaun.

Nia hatete, estudante hirak nee mesak Timor oan, neebe durante nee eskola iha Indonezia maibe tanba deit situasaun pandemia Covid-19, halo sira fila tiha mai Timor, no agora dadaun sira hakarak fila fali maibe presiza tebes tulun husi governu.*

Reportajen: Guilhermina Franco/Domingas Soares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: