Estudantes 1.446 Foti Ona Materia Rezumu

DILI, STLNEWS.co – Estudantes husi ensinu sekundariu no ensinu baziku 3 siklu husi Nobel da paz, hamutuk 1.446 foti ona materia rezumu no hatama ona mai iha eskola. Kestaun nee hatoo husi Adjuntu Diretor Eskola Sekundariu Nobel da Paz, Agostinho Pinto.

Nia hatete, estudantes husi Nobel da Paz, barak mak mai foti ona sira nian materia rezumu, lori ba priense iha uma, nomos hatama ona mai professor kada disiplina ida-idak iha eskola, tanba dadaun nee estudantes hamutuk 1.446 mak foti ona sira nian materia rezumu.

“Estudantes sira iha Dili foti hotu ona rezumu no entrega fila hotu ona ba professores disiplina hodi halo koreksaun no fo valor ba estudantes sira. Estudantes sira neebe mak sei iha munisipiu Dili barak mak hetan ona rezumu via online, WhatsApp, no email. Total estudantes neebe asesu ona ba materia rezumu hamutuk 1.446 pesoa, nee kompostu husi estudantes ensinu baziku 3 siklu no sekundariu,” dehan Agostinho ba STL liu husi telefone, Sesta (14/05/2021).

Nunee mos, Trifonia de Jesus, hanesan estudante segundu ano Nobel da Paz dehan ho aplikasaun serka sanitaria ba Covid-19, estudante sira labele halo ezame hanesan bai-bain iha eskola, maibe foti deit materia rezumu iha eskola, lori ba priense iha uma.

“Ita hotu hatene katak, ita labele halo ezame iha eskola, tanba ita iha faze serka sanitaria nia laran, ema hotu tenke kumpre ida nee, evita halibur malu no seluk tan,” afirma nia.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: