Estudantes 30% Seidauk Selu Propinas

DILI, STLNEWS.co – Estudantes husi Eskola Sekundariu Nobel da Paz (ENDP) 25 ou 30% seidauk selu propinas, maibe balun selu tiha ona.

Tuir Adjuntu ENDP, Agostinho Pinto hatete, maske durante nee professor sira avizu ba estudante sira, oinsa mak sira bele selu propinas, maibe balun selu tiha ona, no 25 ou 30 % mak estudante sira seidauk selu propinas, tanba kada tinan bainhira atu tama iha ezame, estudante sira presiza selu mos propinas.

“Hau hanoin konaba propinas ba segundu periodu maioria estudantes selu ona, maibe falta 25 ou 30% mak seidauk selu, tanba ho razaun katak, estudantes balun mai inan aman la servisu, depois balun inan aman rendimentu menus, tanba estadu aplika Serka Sanitaria (SS) no Konfinamentu Obrigatoriu (KO) durante nee,” dehan Agostinho ba STL liu husi telefone, Segunda (30/08/2021).

Agostinho dehan, maibe agora dadaun iha Munisipiu Dili governu sei estabelese KO, no aprendizajen mos sei suspende, maibe bainhira KO nee remata, aprendizajen lao hikas fali, nee estudante sira mos bele tama aula normal, tanba husi eskola kumpre nafatin regras sira nee.

“Hau hanoin ba ita nian estudante sira neebe la selu propinas sei la autoriza tuir ezame, depois inan aman estudantes mos bele mai aprezenta ba eskola, bainhira  mai aprezenta presiza razaun ruma, atu nunee eskola fasilita sira bele tuir ezame, maibe depois de ezame sira tenke selu propinas,” dehan nia.

Iha parte seluk Deolinda Marques Nunes, hanesan estudante ENDP, segundu ano hatete, nia rasik selu ona propinas, tanba bainhira professor sira avizu ba sira, nia selu tiha propinas, maibe bainhira selu tiha propinas, to’o agora sira seidauk bele halao ezame, tanba sei iha KO nia laran.*

Reportajen: Jacinta Sequeira

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: