Estudantes 50% La Asesu Eskola Online

DILI, STLNEWS.co – Ho aplikasaun Serka Sanitaria, estudantes husi Universidade Oriental Timor Lorosae 50% la asesu ba eskola online, tanba problema lina internet ladiak, laiha osan sosa pulsa no estudantes balun iha foho.

Reitor Universidade Oriental Timor Lorosae (UNITAL), Florindo Pereira afirma, parte husi universidade hein hela, bainhira SS nee remata, bele halo klase ida neebe intensivu ba estudante sira, maibe problema mak lina internet mos ladun diak ho ida nee, estudantes balun deit mak asesu eskola online no balun labele asesu ba programa eskola online ida nee.

“Hau hanoin depois de SS, eskola la lao, entaun ami koko atu estudante sira bele akompania deit eskola online, ita labele hasoru malu diretamente, ita nian problema mak estudantes barak la asesu eskola online ida nee, tanba estudantes balun deit mak asesu, sira seluk labele asesu tanba telefone no lina internet, balun iha foho entaun ami haruka dosente sira prepara materia tau iha ami nian fatin, depois balun keta iha Dili laran bele mai foti, depois estudante sira kontinua nafatin liu husi online, ita nian problema mak partisipante estudante sira atu asesu nee labele tuir,” dehan Florindo ba STL, bainhira partisipa iha sereminia tomada de posse ba magnifiku Reitor foun IOB, iha kampus IOB Fomento, Dili Tersa, (01/06/2021).

Nia hatutan 50% mak labele asesu ba iha eskola online ida nee, tanba balun iha foho laiha telefone, lina internet la diak depois laiha pulsa, maibe universidade hein hela, tanba governu atu fo apoiu fasilita internet, maibe too agora seidauk.

Nunee mos, Reitor UNPAZ, Adolmando Soares Amaral hatete, maske aplika SS, UNPAZ hanesan ensinu superior privadu nafatin halo sira nian atividades, se laiha investimentu,nee sira la garante salariu bensimentu ba funsionariu no dosente sira, tanba nee husu ba governu presiza kompriende iha situasaun nunee.

Nia salienta, durante atu tama tinan ida ou rua nia laran, estudantes barak la tuir prosesu aprendizajen, ida nee hanesan estraga jerasaun foun sira nian hanoin, bainhira laiha ensinu aprendizajen, nee estudante sira tenke iha uma.*

Reportajen: Jacinta Sequeira/Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: