Estudantes Hasoru Obstakulu Ba Eskola Online

DILI, STLNEWS.co – Estudantes neebe sei iha munisipiu, hasoru obstakulu atu asesu ba eskola online, tanba dala ruma rede internet la diak no komunidade balun seidauk asesu ba eletrisidade.

Adjuntu Diretor Eskola Baziku Nobel da Paz, Francisco Fernandes afirma, iha estudantes balun neebe sei hasoru obstakulu kona ba internet, hodi asesu eskola online, nee duni susar tebes ba estudante sira, ho aplikasaun serka sanitaria ida nee falta komunikasaun, maibe parte eskola sei prepara materia ruma, ho nunee estudante sira bele partisipa tuir mai, karik estadu no governu hakotu ona serka sanitaria.

“Estudantes husi Ensinu Baziku Nobel da Paz ninia, neebe mak partisipa iha ezame primeiru periodu ida nee, iha ano letivu 2021 ninia hamutuk 625, agora estudantes nain hira neebe mak la tuir ezame, nee momentu neebe akontese serka sanitaria no sira iha Munisipiu, tanba taka ona dalan, tanba ho serka sanitaria sira la konsege mai iha Dili, tanba estudantes lubuk ida mak sei iha foho, entaun eskola sei buka solusaun seluk, para bele rezolve problema ba estudantes hirak neebe mak sei iha hela foho. Hau hanoin relasiona ho ida nee, eskola ninia hili atu ezame online,” dehan Francisco ba STL, iha nia knaar fatin Kintal Boot, Dili, Tersa (18/05/2021).

Nia dehan, total professor neebe mak iha eskola ida nee, kuaze setenta nee sira hanorin iha turnu rua neebe mak hanorin iha nivel ensinu baziku no sekundariu ba mai deit, estudantes balun seidauk tuir ezame ba faze primeiru ba ano letivu 2021.

Nunee mos, Diretor Eskola Sekundariu Nobel da Paz, Pedro Nunes Menezes hatete, provas ba primeiru periodu ba ano letivu 2021 ninia, relatoriu nee sira fo ona ba edukasaun munisipiu, liu-liu ba estudantes neebe partisipa ona iha ezame.

“Nee hau nian estudantes atinje ona
81 pursentu mak partisipa ona iha ezame, total estudantes jeral dois mil e oetu sentus e trinta seti, maibe ami nian estudantes balun sei iha foho, tanba dalan ema sei taka hela, no sira labele mai iha Dili, maibe metodu seluk mak ami ezame liu husi online, maibe online nee hau haree la atinje too 2 pursentu, tanba ita nian estudante sira iha area remotas, primeiru eletrisidade laiha, depois balun iha eletrisidade no iha telefone, maibe osan mak laiha atu sosa pulsa,” nia dehan .*

Reportajen: Jacinta Sequeira/Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: