Estudantes SJPC Nain 300 Resin Seidauk Foti Rezumu

DILI, STLNEWS.co – Estudante eskola Sekundariu Jeral Privadu Cristal (SJPC), total hamutuk 1.088 pesoas, maibe falta 300 resin maka seidauk foti rezumu hodi prense, tanba estudante sira balun sei iha foho, maibe profesores sira kontinua hein.

Diretor eskola Sekundariu Jeral Privadu Cristal, Rafael Savio hatete, iha Cristal sira bazeia husi ministeriu no fundasaun rasik katak, iha eskola ba uma entaun ezame momentu iha 100% husi profesores sira inisiu de Abril, sira distribui hotu materia ba estudante sira, nee ba primeiru periodu ninian.

“Total estudante neebe maka hatama ona rezumu ka pontus ezame nian, hamutuk nain 781, kompostu husi primeiru anu too terseiru anu, maibe total estudante jeral hamutuk 1.088, neebe pur volta 300 resin mak sei iha foho no ami sei kontinua hein hela, wainhira sira iha Dili ka munisipiu mai foti rezumu, ami nafatin tuir sirkulasaun husi ministeriu no fundasaun katak, nafatin fo pontus ezame ba estudante sira,” hatete Rafael ba STL, iha knaar fatin Cristal, Balide, Kuarta (26/05/2021).

Nia afirma, maibe materia sira nee profesores fo liu husi whatsapp depois too ezame sira mai foti pontus ezame, hodi nunee priense iha uma, maka agora mai hatama fila fali ona.

Nunee mos Diretor eskola Sekundariu Nobel da Paz, Pedro Nunes Menezes hatete, provas ba primeiru periodu ba anu letivu 2021 nian, relatoriu nee sira fo ona ba edukasaun munisipiu, liu-liu ba estudante neebe partisipa ona iha ezame.*

Reportajen: Blandina Mauno/Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: