Estudantes Tenke Estuda Makaas

DILI, STLNEWS.co – Bainhira atu hetan valor diak iha ezame nasional, estudante sira tenke estuda makaas.

Tuir Direitor Edukasaun Munisipiu Viqueque, Emidio Amaral hatete, materia ezame nasional nee mai husi nasional mak entrega ba iha munisipiu idak – idak, maibe preparasaun estudante sira nian nafatin lao, no professor sira hanorin estudantes iha eskola nee tuir kurrikulu neebe mak iha.

“Hau hanoin konaba materia ezame nasional nee, hanoin mai husi nasional, maibe ami nian estudantes sira prepara an, liu husi materia hirak neebe professor sira prepara  tuir kurrikulu neebe iha, tanba nee ami nian professor sira nafatin prepara an,” dehan Emidio ba STL Segunda nee (13/09/2021).

Nia dehan, atividades aprendizajen lao hanesan baibain, no professor kada materia tama sala hanorin estudante sira, atu nunee estudante sira bele estuda iha uma, liu – liu ba materia hirak neebe estudante sira simu ona husi professor sira. Dadus finalista mak, EBC 2077, ESG 1445, TV 61, total finalista hamutk 3.583.

Iha fatin la hanesan, Direitor ESJ no 4 de Setembru Balide, Sergio A. da Cruz dehan, eskola sempre preparadu, tanba hein deit despaixu husi governu. Materia bazeia deit ba rezumu husi professores sira, no preparasaun estudante sira nian lao diak, tanba estudante sira rasik hakarak eskola.*

Reportajen: Jacinta Sequeira

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: