Estudantes UNPAZ Halao Estajiu Profesional

Estudantes UNPAZ Dili halao estajiu profesional iha instituisaun publiku no privadu durante loron 30. (Foto: STL/Natalina Lopes)

DILI, STLNEWS.co – Estudantes UNPAZ Dili halao estajiu profesional iha instituisaun publiku no privadu durante loron 30. Estajiu ba periodu ida nee, UNPAZ muda sira nia sistema uitoan.

Uluk, sira temin magang, maibe ba tinan ida nee, sira nia regulamentu akademiku regula atividade akademiku tomak iha UNPAZ. Agora sira iha estajiu rua: Estajiu Profesional. Nee akontese ba estudantes sira neebe semester 6. Segundu, Estajiu Sosiais, nee akontese ba estudante finalista semester 7-8 ba leten. Nunee hatoo Reitor UNPAZ Adolmando Soares Amaral.

Kona ba estajiu profesional, nia hatete, material barak neebe estudante sira hetan husi dosentes sira. Sira iha kapasidade atu halo interpretasaun ba siensia ida nee no teknolojia iha prosesu apredizajen.

Durante loron 30, sira koko atu liga siensia neebe sira hetan, hahu husi semester ida too semester 6.

Ho estajiu profesional nee, sira bele komprende realidade pratika ba instituisaun sira, esplika Adolmando Soares Amaral iha ninia diskursu iha Salaun UNPAZ Dili, Kinta (22/10/2020).

Fatin atu halao estajiu profesional nee, fatin sira mak desidi, tantu iha instituisaun publika no privadu. Portantu, sira halo ona konkordansia no hetan ona autorizasaun husi intituisaun sira.

Durante loron 30, sira atu koko para siensia no teknolojia neebe sira aprende hahu husi semester 1 too 6. Sira koko tok oinsa sira bele ejekuta iha fatin neebe halo estajiu profesional ba.

Nia hatutan tan, dala ruma imi nia maluk sira iha neeba husu imi atu halo buat ruma, imi tenki hatudu katak imi iha kapasidade atu halo ida, ou dala ruma sira husu imi atu lidera enkontru ruma imi tenki hatudu katak imi iha kapasidade komunikasaun para atu bele lidera reuniaun internal iha fatin neebe imi halo estajiu profesional ba, no sira ajuda sira atu input data ruma tama iha sira nia sistema hatudu imi nia kuinesementu katak imi familiar ho teknolojia sira, tanba uda nee maka ita boot sira aprende husi semester 1 too 6 iha ita boot sira nia fakuldade.

Iha fatin hanesan, Dekanu Fakuldade Enjenaria UNPAZ Jose Manuel Maniquin hatete, alin sira servisu pratika laos ita ba too iha neeba atu halo pratika, “Ita tun ba iha estajiu professional ba iha neeba hatudu katak ita maka matenek liu, ita maka hatene liu I ita maka perfeitu liu, material servisu pratika hanesan material bai-bain neebe tama iha ita nia silabus ka ita nia kurikulum, nee ba Fakuldade Enjenaria, bainhira estudantes sira semester 6 ba Departamentu Industria No Departamentu Enjenaria Sivil presija programa ka hakerek ita boot sira nia planu no estudu,” katak nia

Nunee mos estudante Departamentu Enjinaria Sivil Satornino Cardozo hatete, estudantes neebe atu halao pratika ba iha instituisaun publiku no privadu.

“Ami atu aplika deit buat neebe durante nee ami aprende universidade nee , aprende barak liu maka iha teoria deit, ida nee hatudu mai ami katak atu ba haree rasik ou hatene klean liutan pratika sira iha baze,” nia dehan.

Reportajen: Reportajen: Natalina Lopes/ Blandina Mauno

LEAVE A REPLY

Please enter your comment!
Please enter your name here