Estudantes Viqueque Seidauk Realiza Ezame

DILI, STLNEWS.co – Ho serka sanitaria neebe dadaun nee aplika hela iha Munisipiu Viqueque, estudantes sira seidauk realiza ezame primeiru periodu ba ano letivu 2021.

Liu husi telefone, Diretor Edukasaun Munisipiu Viqueque, Emidio Amaral, ba STL Kuarta (28/04/2021) hatete, kona ba ezame primeiru periodu ninia, too agora estudante sira iha Munisipiu Viqueque seidauk realiza ezame, tanba dadaun nee sei iha aplikasaun serka sanitaria iha Munisipiu refere.

“Hau hanoin atu halao ezame ida nee, ami hein deit orientasaun husi MEJD nasional, inklui Ministeriu Saude (MS), katak SS remata para ami nian estudante sira mos bele prepara ba iha ezame. Hanesan ita hotu hatene katak, ami nian estudante sira kuaze fulan rua nian laran ona, ami laiha ensinu aprendizajen iha eskola, tanba ita hotu kumpri SS, atu bele prevene aan husi moras covid-19, tanba Munisipiu Viqueque no Baucau taka total ninia prosesu aprendizajem ba estudante sira iha eskola,” dehan nia.

Nia dehan, nuudar Diretor Edukasaun Munisipiu Viqueque, husu ba estudante sira hotu atu hakmatek iha uma, para bele estuda, atu nunee bainhira iha orientasaun ruma mai husi MEJD nasional katak, reativa fali eskola, no estudante sira bele preparadu hasoru ezame primeiru periodu ninia.

Iha parte seluk, Diretor Edukasaun Munisipiu Liquiça, Zito Antonio de Oliveira hatete, sira nian ezame ba primeiru periodu lao hanesan bai-bain, maibe estudante sira mos tenke kumpri nafatin regras ba pandemia Covid-19, tanba nee estudante sira ba iha eskola tenke uza maskra, no fase liman bebeik ho sabaun.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: