Evita Diskriminasaun, MEJD Halo Sosializasaun

DILI, STLNEWS.co – Atu evita mosu diskriminasaun ba ema defisiente, Ministeri Edukasaun Juventude no Desportu (MEJD), liu husi Diresaun Edukasaun Inkluzivu, halo sosializasaun ba area remotas.

Tuir Xefe Departamentu Edukasaun Inkluzivu (EI), Jose Monteiro katak, dala ruma sei akontese nafatin diskriminasaun ba ema defisiente sira, tanba seidauk kompriende diak ho ida nee, presiza alarga tan sosializasaun dala ruma iha Dili ninia diak, ema bele asesu lalais informasaun, maibe iha nivel Munisipiu no postu nee maluk defisiente sira sei hasoru diskriminasaun.

“Dala ruma inan aman la fo tempu no dezafiu oi-oin neebe mak sira sei hasoru, ida nee tama hotu iha planu hotu, tanba atu halakon buat sira nee hotu nee hau hanoin tenke liu husi sosializasaun, nee iha nivel nasional no munisipiu, postu no suku. Hau hanoin sosializasaun nee ami rasik mak organiza, maibe agora nee ho aplikasaun SS, maibe antes nee ami halo sosializasaun lubuk ida, ami ba iha Covalima no RAEOA, Lospalos, Viqueque, Manufahi no Baucau ami halo ona, maibe atu ba tan nee, ita sei haree ba iha osan kuandu parseiru sira apoiu depois ministeriu nian osan, buat sira nee preparadu nee hau hanoin ita bele aranka,” dehan Jose ba STL, iha edifisiu MEJD Vila-Verde, Dili, Segunda (24/05/2021).

Nia dehan, hakarak hatoo mensajem mak nee, tanba dadaun nee iha ona politika edukasaun inkluzivu, laiha tan diskriminasaun ba maluk defisiente sira neebe hakarak eskola, haruka sira tenke tama eskola no labele impede fali sira, neebe hakarak atu asesu eskola, hanesan ho sira nian maluk sira seluk.

Jose akresenta, labarik sira neebe tama ona eskola, husu ba inan aman sira atu bele kontinua suporta nafatin ba oan defisiente nia estudu, liu-liu servisu hamutuk ho diretor eskola no professor sira, ho nunee labarik sira tama aula hamutuk ho sira nian maluk sira seluk.

Iha parte seluk, Diretor Edukasaun Munisipiu Viqueque, Emidio Amaral, liu husi telefone hatete, eskola iha Munisipiu Viqueque, labarik defisiente neebe tama eskola, ninia numeru nee ladun barak.*

Reportajen: Jacinta Sequeira/Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik aan ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...
%d bloggers like this: