Fakuldade Medisina no Sensia Saude UNTL, Aban Halo Yudisium Hamutuk 35

Akademiku UNTL, Jose Dionisio Ximenes. (Photo: STL News/Natalina Lopes)

DILI, STLNEWS.co – Fakuldade Medisina no Sensia Saude (FMSS), Universidade Nasional Timor Lorosae (UNTL), aban halo yudisium hamutuk ema nain 35 iha Hotel Dos Claritas hodi fo atribut titlu akademiku ba sira.

“Aban yudisium husi farmasia nee hamutuk ema nain 22, agora ba tan departamentu nutrisaun aban nee foin primeiru halo yudisium ba sira nee hamutuk ema nain 13, kompostu husi mane nain 4 no feto nain 9, total departamentu 2 hamutuk ema nain 35 maka sei halo yudisium, iha Hotel Dos Claritas, hodi fo atribut titlu akademiku ba sira,” lia hirak nee hatoo husi Dekanu Fakuldade Medisina no Siensia Saude, Dionisio Ximenes ba jornalista sira iha kampus UNTL, Caicoli, Kinta (27/08/2020).

Nia haktuir tan, aban yudisium ba departamentu farmasia nee ba dala 2, iha dala uluk halo tiha ona iha tinan kotuk ho ema nain 23 , aban nee aumenta tan ema nain 22 nee atribut titlu akademiku, total husi farmasista sira neebe gradua ona ho tan aban nee hamutuk ema nain 45 nee ofisial.

“Aban yudisium nee hamutuk ema nain 22, agora ba tan departamentu nutrisaun aban nee foin primeiru halo yudisium ba sira nee hamutuk ema nain 13, kompostu husi mane nain 4 no feto nain 9, total hamutuk ema nain 35 maka sei halo yudisium” tenik nia

Ita hotu hatene katak, atribut titlu akademiku husi universidade ba finalista sira bele hatete katak ema nee finalista ona liu husi buat hotu, i priense rekezitus hotu ona para atu bele hetan graduasaun, ita molok ba graduasaun tenki halo uluk yudisium, yudisium nee maka importante liu, iha buat 2 la hanesan ema ba dada fita ho yudisium nee importante liu, tanba iha neeba nee atribut titlu akademiku nee nia simu ona gelar, neebe aban iha departamentu 2 maka departamentu farmasia ho departamentu nutrisaun neebe maka aban simu yudisium.

Reportajen: Natalina Lopes

Editor: Ekipa STL

LEAVE A REPLY

Please enter your comment!
Please enter your name here