FDCH Anunsiu Rezultadu Bolsa Hakbiit

DILI, STLNEWS.co – Fundu Dezenvolvimentu Capital Humanu (FDCH), hamutuk ho Ministeriu Ensinu Superior Siensia no Kultura (MESSK), anunsia rezultadu avaliasaun bolsa hakbiit ba instituisaun Ensinu Superior Privadu sira.

Tuir Diretora Ezekutiva FDCH, Leila M. L. Carceres dos Santos hatete, hafoin Ministru Ensinu Superior Siensia no Kultura no Prezidente Konsellu Administrasaun Fundu Dezenvolvimentu Capital Humanu Longuinhos dos Santos, aprova tiha Diploma ministerial N.º 9 /2021 10 Março iha loron 25/02/2021, Sekretariadu Tekniku FDCH hahu forma ekipa tekniku, neebe kompostu husi ST-FDCH, Ministeriu Edukasaun, Juventude no Desportu (MEJD) no Ministeriu Solidariedade Sosial (MSSI) iha Munisipiu sira, hodi halo inskrisaun ba kandidatu bolseiru sira neebe atu asesu ba halao sira ninia estudu iha universidade privadu sira, iha rai-laran ho programa bolsa hakbiit.

Durante inskrisaun ba programa Bolsa Hakbiit neebe halao iha munisipiu hotu nomos Rejiaun Administrativa Espesial Oe-Cusse Ambeno (RAEOA), ekipa husi FDCH-MESSK simu dokumetu hamutuk 1705, husi numeru nee kandidatu neebe liu iha prosesu verifikasaun dokumentus hamutuk 1.500.

“Ho nunee, tama ba iha faze selesaun dokumentu nian, ekipa juri ba avaliasaun ba programa bolsa hakbiit, neebe prezide direita husi Diretora Ezekutiva FDCH neebe nuudar mos Prezidente Juri Leila M. L. Carceres dos Santos ho nia membru nain haat neebe kompostu husi Diretora Jeral Ensinu Superior no Siensia MESCC, Maria Filomena Lay Guterres, Koordenadora UCAE-MESCC, Amelia de Araujo, Koordenador GAGESI-FDCH Henrique do Rosario no Asesor Juridiku MESCC Pelagio Simoes. Sira konsege halo selesaun no aprovasaun ba kandidatu neebe admitidu ka pasa hamutuk 410, hodi asesu ba halao estudu iha instituisaun ensinu superior privadu neebe antes nee estabelese ona memorandu entendimentu ho FDCH,” dehan Diretora Ezekutiva FDCH Leila M. L.Carceres, liu husi konferensia imprensa iha MESSK, Colmera, Tersa (13/07/2021).

Nia haktuir, benefisiariu ba programa bolsa estudu hakbiit nee sei halao sira ninia estudu iha area estudu sira hanesan agrikultura, edukasaun, enjenaria, saude no turizmu, tuir universidade neebe sira ida-idak deside.

Entretantu tuir planu semana nee nia laran FDCH sei fo sai avizu hahu husi data 13 Jullu 2021 kona-ba rezultadu kandidatu sira neebe selesionadu ba vaga bolsa estudu hamutuk 410 no sei manda ofisialmente naran sira neebe pasa ba prezidente autoridade munisipiu ida-idak no RAEOA, hodi publika iha kuadru avizu MEJD munisipiu iha teritoriu tomak no tempu hodi halo reklamasaun mos sei hahu husi data avizu too loron 28 Jullu 2021.

Iha fatin hanesan Diretora Jeral Ensinu Superior no Siensia, Maria Filomena Lay Guterres hatete, tuir MESSK fo sai ba ensinu superior sira katak, iha inisiu Agostu konteudu ita haree ba situasaun semana oin ba oin, ejizensia mak estudante sira tenke simu ona vasina primeira faze no segundu faze maibe sei iha verifikasaun karik lao tuir regra nia oinsa atu bele hahu. MESSK mos ohin reuniaun, aban sira tun hodi halo monitorizasaun iha ensinu superior sira.*

Reportajen: Blandina Mauno/Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: