Finalista 95 Simu Yudisium

Finalista Universidade Nasional Timor Lorosae (UNTL), husi Fakuldade Ciensia Sociais nain 95 simu yudisium. (Foto: STL/Blandina Mauno)

DILI, STLNEWS.co – Finalista Universidade Nasional Timor Lorosae (UNTL), husi Fakuldade Ciensia Sociais nain 95 simu yudisium.

Dekanu Fakuldade Ciensia Sociais (FCS) Camilo Ximenes Almeida hatete, ohin loron importante tebes ba Fakuldade Ciensia Sosiais tanba marka tan istoria foun iha vida akademiku nian, maske mundu tomak inklui Timor Leste infrenta hela Covid-19.

“Fakuldade Ciensia Socias produs tan ona formatu hamutuk 95 husi total formadus ida nee, balun mak servisu iha instituisaun publiku hanesan F-FDTL, PNTL, funsionariu publiku, instituisaun privadu sira no balun hili liga ba nasaun sira seluk,” hatete Camilo liu husi diskursu, bainhira halao yudisium ba dala XXIV, iha Kampus UNTL Caicoli, Dili, Tersa (12/01/2021).

Nia hatutan, hanesan Inglatera, Irlandia, Korea do Sul, Australia hodi buka servisu atu sustenta sira nia aan no familia no balun sira mos kontinua aan iha kampu servisu ba sira, maske ohin seremonia ida nee.

Camilo dehan, hahu husi ohin ba oin yudisium maka hatene kona ba vida universitariu reforma transis negativamente sai proteze no asegura ba imi nia aan labele iha fakuldade deit, maibe iha foho atu kuidadu alunus sira hanorin nain sira hodi proteze sai hanesan inan aman ida ba nia oan sira.

Nia esplika, yudisium hanesan trazitoriu merkadu traballu liu husi patriotismu maske prosesu naruk dala ruma difisil maibe nesesariu.

“Hahu agora imi hotu hili imi nia dalan tuir ninia propria ho ain rasik mesak, bainhira imi iha buat ruma neebe serteza ka los lahusi dalan fasil maibe liu dalan neebe mak taka.” dehan nia.

Iha fatin hanesan reprezentante Finalista yudisium Armindo da Costa hatete, espiritu matenek neebe ita hetan iha kareira universidade lori ita atu komprende no matenek kona ba natureza universidade nian.

“Atu orienta ita hodi lao tuir pilares importante neebe mesak iha hanesan edukasaun presiza no medidasaun,” nia dehan.*

Reportajen: Blandina Mauno/Joaninha Belo
Editora: Carme Ximenes

LEAVE A REPLY

Please enter your comment!
Please enter your name here