Finalista DIT 491, Finaliza Tesse

Jornalista senior STL Corp. Mikael Mali Mau halao intervista ho Reitor Dili Institute of Technology (DIT), Alvaro Menezes Amaral. (Foto: STL/Donaciano Magalhâes)

DILI, STLNEWS.co – Estudante Finalista nain 491 husi Dili Institute Of Technology (DIT), konsege finaliza sira nia tesse maske iha ambitu Estadu Emerjensia ba surtu COVID-19.

Finalista hirak nee lakleur tan sei hahu graduasaun, tuir fakuldade haat neebe iha.

Reitor DIT, Dr. Alvaro Menezes Amaral PHD. hateten, iha jornada DIT, tinan ida nee sei halo graduasaun ba dala 12 ho finalista hamutuk nain 491.

“Estudante Finalista DIT neebe sei tuir graduasaun hamutuk 491 pesoas,” hatete Alvaro ba Ekipa STL bain hira halo intervista iha nia Knar fatin Segunda, (19/10/2020).

Reitor nee informa situasaun Pandemia COVID-19 lori impaktu boot ba mundu, tanba nee setor hotu-hotu infrenta situasaun difisil, nunee mos iha setor edukasaun nian.

Bainhira Mundu hahu fo atensaun ba COVID nee rasik, Nasaun mos preokupa los, Prezidente Republika, Primeiru Ministru, inklui mos Sosiedade Sivil sira preokupa tanba implikasaun ba iha setor hotu hotu inklui edukasaun.

Nia relata katak iha fulan Abril ho Maiu, atividade eskola nian marka husi estudante no dosentes sira kuaze laiha.

Nunee mos ho Ministeriu Ensino Superior Siensias no Kultura nia regras atu Universidade hotu uza Metodologia alternativa. Metodologia neebe maka universidade sira hili inklui mos DIT, estudu Online, durante fulan rua nia laran Abril no Maiu.

Depois ida nee katak Alvaro, situasaun rai laran komesa rekupera fila fali no dadus ba ema sira neebe mak positivu corona mos rekupera fali ho esforsu masimu husi pesoal saude sira.

Ministeriu Ensino Superior rasik fo fali lisensa atu bele hahu fali atividade hanesan normal, nunee dosente no estudante sira neebe maka ativu iha Akaddemiku komesa fila fali aula hanesan babain.

Nia informa estudante finalist hirak nee antes pandemia balu hahu hakerek ona sira nia proposta, balu hahu ona ho peskiza, no balu rekolla dadus neebe maka sai nesesidade ba iha sira nia peskiza, no too ikus mai konsege finaliza sira nia estudu iha DIT, no iha dia 29 agora sira tuir prosesu de Graduasaun tanba sira prense ona rekezitus neebe hanesan regulamentu akademiku neebe maka impoin ba sira.

Tuir informasaun katak graduasaun ba finalista hirak nee sei realiza iha dia loron 29 fulan nee iha Centro Convensaun de Dili (CCD).*

Reportajen: Claudios de Jesus
Editor: Ekipa STL

LEAVE A REPLY

Please enter your comment!
Please enter your name here