Finalista ICR Nain 80 Simu Graduasaun

DILI, STLNEWS.co – Instituto Ciensias Religiosas (ICR) ohin graduasaun ba finalista hamutuk nain 80 husi fakuldade rua, mak hanesan Servisu Sosial no Formasaun Professores Moral e Relijiaun.

“Tinan ida nee, ami nia finalista ICR hamutuk ema nain 80 graduadu ba tinan rua nian, maske hasoru difikuldade oin – oin iha Covid-19 nia laran, maibe ohin loron konsege gradua,” dehan Reitor ICR, Padre Crisostomo I. Salar Jr, ba jornalista iha salaun Katedral Dili, Kinta nee (30/09/2021).

Nia dehan, fakuldade rua mak hanesan, Fakuldade Servisu Sosial ema nain 17 no Fakuldade Formasaun Professores Relijiaun i Moral ema nain 63.

“Ami iha  ICR, liu – liu ba formasaun profesores sira nian, dala barak antes atu gradua, sira balun servisu ona, no balun remata baxarelatu mak kontinua lisensiatura,” dehan nia.

Reitor husu ba graduadu sira, lori nafatin identidade ICR nian, maske hetan ona profisaun, maibe laos deit hetan profisaun, bainhira tama iha ICR hatan ba maromak nia bolu, tau knaar nuudar sai vokasaun, sira hetan lisensiatura formasaun professor ninian, maibe halao nafatin knaar igreja nian.

Iha fatin hanesan, graduadu Ana Fatima husi Fakuldade  Formasaun Profesor Moral i Relijiaun Katolika hatete, instituisaun sai nuudar mahon daruak ba sira, tanba ICR hakonu ona estudante sira, ho siensia multidimensaun relijiaun no moral atu dezenvolve vida umana.*

Reportajen: Joaninha Belo

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...