Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira no Nutrisaun Diatetika.

Tuir Reitor ICS Domigos Soares ba jornalista, ohin halo graduasaun finalista ICS, maibe molok atu graduasaun iha fulan Maiu, haruka karta ba Ministeriu Ensinu Superior Siensia no Kultura (MESSK), atu nunee hetan autorizasaun hodi bele halao graduasaun.

“Akademikamente bainhira ita hasai kursu nee, ami koloka grau baxarelatu ba ami nia estudante husi kursu haat, hamutuk ema nain 292,” dehan Reitor ICS Domigos Soares, bainhira remata serimonia graduasaun iha Salaun Canosa, Haslaran, Kinta nee (23/09/2021).

Partisipa iha graduasaun nee, Ministru Ensinu Superior Siensia no Kultura  (MESSK), Sekretaria Parlamentu Komisaun F, Komando PNTL, Diretur Ezekutivu ANAAA, Diretur Ezekutivu Reprezentante Ministru Saude.

Iha fatin hanesan, Ministru Ensinu Superio Siensia no Kultura (MESSK) Longuinhos dos Santos, agradese no felisita Institutu Siénsia Saúde ba nia papel, hodi forma rekursu umanu sira iha area nebe esensial, hanesan iha area saude.

Governante nee dehan, formasaun ba graduadu foun sira, ho grau baxarelatu, iha area Enfermajen, Farmasia, Parteira sira no Nutrisaun, nuudar rekursu neebe importante tebes, hodi hadi’a kualidade no dezempeñu iha servisu saude Timor-Leste nian.*

Reportajen: Joaninha Belo/Blandina Mauno

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...