Finalista IOB 229 Simu Yudisium

DILI, STLNEWS.co – Finalista Institute Of Business (IOB) hamutuk nain 229 simu yudisium.

“Ita iha fakuldade tolu hanesan, Fakuldade Hospitalidade e Turismu, ICT no Ekonomia e Negosiu, neebe iha tinan 2021 ho situasaun pandemia Covid-19 nia laran, hahu yudisium dala uluk hamutuk 249 no ohin iha tan finalista 229, neebe tinan ida nee fulan Outubru ka Novembru, nain 478 sei tuir graduasaun iha IOB,” hatete Magnifiku Reitor IOB Pedro Ximenes liu husi diskursu, bainhira halao serimonia yudisium ba dala II iha kampus IOB Fomentu II, Dili, Sabadu nee (25/9/2021).

Nia dehan, susesu imi nian no dosente nia susesu hotu, no imi nia susar, dosente nia susar hotu, laiha dosente ida iha mundu nee mak la kontente, tanba estudante sira nia susesu, neebe ohin loron hanesan kontente tebes – tebes.

Biban nee reitor Pedro mensajen ba finalista yudisium sira katak, edukasaun iha rai laran la bele para, imi mos la bele para, atu aprende laos signifika katak, imi hetan ona S1 ka D3, neebe imi ema matenek wain ona, maibe imi hatene saida mak filosofia.

Iha fatin hanesan, finalista Bendita Clai Guterres dehan, nia sente kontente, tanba durante tinan 4 nia laran, maske hasoru dezafiu oin – oin, maibe to’o ohin bele simu yudisium.

“Ami mos hakarak agradese ba IOB, liu – liu dosente sira husi semester 1 to’o dosente sira, neebe mak binbing ami nia proposal ho monografia, neebe durante eduka ami atu sai estudante neebe mak diak, nunee bele kompete iha kampu traballu nian,” katak nia.

Nia afirma tan, agradese mos ba inan aman sira nia esforsu ka suporta tomak, mak ohin loron bele remata estudu, sei bainhira estudante mesak sei la halo buat ida.*

Reportajen: Blandina Mauno/Mikael Mali Mau

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...