Fo Aihan Nutritivu, MEJD Koopera Ministeriu 3

DILI, STLNEWS.co – Atu fo aihan nutritivu ba estudante sira iha programa merenda eskolar, Ministeriu Edukasaun, Juventude, no Desportu (MEJD) liu husi Diresaun Nasional Asaun Sosial Eskolar, koopera ho Ministeriu tolu (3) hanesan Ministeriu Saude, Ministeriu Adamistrasaun Estatal (MAE) no Ministeriu Agrikultura no Peskas (MAP) no parseiru sira.

Tuir Diretor Nasional Asaun Eskolar (DNASE), Joaquim Martins katak, implementasaun programa merenda eskolar hanesan baibain halao ona katak, bainhira munisipiu neebe mak laiha konfinamentu no Serka Sanitaria (SS), nee atividades hotu lao, tanba programa nee rasik kordena ho MAE, neebe orsamentu mai husi MAE ba implementasaun programa nee rasik, entaun ba Munisipiu Dili, Ermera, Covalima, Baucau no munisipiu neebe iha KO no SS, programa nee la lao, sira iha kooperasaun diak ho MAE, MS no MAP, tanba aihan neebe nutritivu, nee kompetensia MS, MAP ninia oinsa hasae produsaun, para atu oferese aihan nee ba estudante sira,

“Hau hanoin ba munisipiu sira seluk neebe laiha KO no SS, aprendizajen lao nomos implementasaun programa merenda eskolar mos lao hanesan bai-bain, tanba nee, munisipiu neebe la implementa SS nee sira nian atividades lao hanesan bai-bain deit, hanesan ohin hau hatete ona katak, hanesan Munisipiu Aileu, Lautem, Bobonaro no Liquisa implementasaun ba programa merenda eskolar lao hanesan bai-bain deit, tanba orsamentu transfere ona ba kada konta bankaria ensinu baziku, entaun diresaun edukasaun munisipiu nian kordena ho diresaun finansas munisipiu administrasaun nian, para oinsa levantamentu orsamentu bazea ba loron efetivu neebe mak planeadu tiha ona,” dehan Joaquim ba STL, iha nia knaar fatin MEJD, Vila-Verde, Dili, Tersa (31/08/2021).

Joaquim dehan, orsamentu aloka ba merenda eskolar tinan nee, sentu sinquenta dias, nee orsamentu mai husi 2021 ninia, maibe sira nian lina kordenasaun diak tebes – tebes, liu husi Diresaun Finansas Administrasaun Munisipiu, merenda eskolar atribui ona kompetensia ba MAE, koordenasaun durante nee lao diak tebes, sempre monitoring hamutuk, para oinsa bele garante programa merenda eskolar nee tuir nia manual neebe iha, atu nunee bele redus mal nutrisaun ba estudante sira.

Iha parte seluk, Diretor Edukasaun Munisipiu Viqueque, Emidio Amaral hatete, programa merenda eskolar dadaun nee lao hela, estudante sira nafatin asesu ba programa ida nee, tanba nee, kada loron estudantes asesu ba programa refere.*

Reportajen: Jacinta Sequeira/Joaninha Belo

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: