Forsa EUA Hahu Konstrui Sala 4 Iha ESJ Nu. 2 Baucau

BAUCAU, STLNEWS.co – Forsa Naval Estadus Unidus Amerika (EUA), hahu konstrui tan sala haat (4) foun ba eskola Ensinu Sekundaria Jeral (ESJ) Nu. 2 Vila Nova Munisipiu Baucau.

Lia hirak nee hato’o husi Adjuntu Diretur Eskola Sekundaria Jeral Nu. 2 Vila Nova Baucau, Titus Almeida iha nia knaar fatin ba jornalista, Sesta nee (10/09/2021).

“Komponente naval Amerika nian ohin dadersan sira komesa halo ona fondasi, dadersan tuku 06:00 sira komesa mai servisu ona,” dehan Adjuntu nee.

Nia hatutan, konstrusaun neebe mak realiza husi Forsa Naval Estadus Unidus Amerika (EUA) nian, sei konstrui sala estudante hamutuk haat (4).

Adjuntu nee informa, sala haat (4) neebe mak dadaun forsa naval hahu halo konstrusaun seidauk sufisiente, tanba numeru estudante iha Eskola Sekundaria Jeral Nu. 2 Vila Nova Baucau ba tinan ida nee total estudante hamutuk rihun ida lima (1005), nunee seidauk bele responde ba estudante sira atu aprende iha tempu pamdemia Covid-19, tanba halo prosesu aprendizajen iha situasaun pandemia nia laran, presiza halo distansiamentu sosial iha sala laran.

“Ita presiza sala hamutuk haat nulu (40) mak foin bele, tanba dadaun nee ita iha deit sala rua nulu (20),” tenik nia.

Adjunto nee hatete, tuir planu konstrusaun sala haat (4) foun nee ba fulan tolu, minimu liu mak sei ramata iha fulan Dezembru tinan nee.

Membru Forsa Naval EUA neebe dadaun halo servisu iha Eskola Sekundaria Jeral Nu. 2 Vila Nova Baucau total hamutuk nain rua nulu resin rua (22) husi total nee feto nain tolu (3) mane nain sanulu resin sia (19).

Iha fatin seluk, Diretor Servisu Ministeriu Edukasaun, Juventude, no Desportu (SMEJD) Baucau, Augusto Ornai Ximenes sente kontente no agradese ba Forsa Naval husi EUA nian neebe mak ajuda ona problema edukasaun iha Munisipiu Baucau, liu – liu iha Postu Administrativu Baucau Vila.

“Ita falta buat barak, ita nia orsamentu tinan – tinan mos labele rezolve ita nia problema, maibe doador sira fo ona mai ita agradese,” katak Augosto.

Nia hatutan, sei halo kooperasaun diak ho Forsa Naval husi EUA neebe mak dadaun iha hela Postu Administrativu Baucau Vila atu nunee bele minimiza problema edukasaun iha baze.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: