FPDTL Promove Juventude No Kbiit Laek

Diretor Ezekutivu FPDTL, Sancho Belo do Rego. (Foto: FPDTL)

DILI, STLNEWS.co – Organizasaun Fundasaun Parseiru Dezenvolvimentu Timo-Leste (FPDTL), loke kursu promove joventude liu-liu kbiit laek sira liu husi aktividade oi-oin.

Kestaun nee hatoo husi Diretor Ezekutivu FPDTL, Sancho Belo do Rego ba STL, iha nia knaar fatin Sentru FPDTL, Farol, Dili, Sesta (26-02-2021).

“Objetivu husi organizasaun ida nee oinsa atu promove ita nia juventude sira liu-liu ba kbiit laek sira, liu husi ita nia atividade neebe mak implementa iha organizasaun refere, durante atividade ami haree liu ba iha kbiit laek sira neebe mak funeravel, entaun ho ida nee oinsa ami bele ajuda organizasaun komitmentu no oinsa para atu ajuda sira,” dehan nia.

Sancho afirma agora dadauk mos sira akumula maluk juventude sira, liu-liu iha Dili laran no mos ba munisipiu neebe mak mai kompostu iha Dili, sira promove juventude sira liu husi kursus neebe mak ema bolu katak non formal, oinsa atu aumenta sira nia konesimentu liu husi area neebe maka sira fo sai iha publiku no mos fo sai iha grupu balun, depois juventude sira bele aseseu ba programa hirak nee. Programa neebe mak iha mak hanesan Ingles, Portugues, Administrasaun Komputador, no Jornalismu.

Organizasaun Fundasun Parseiru Dezenvolvimentu Timor-Leste (FPDTL) loke kursu iha dia 5 de Abril 2012, loke formasaun non formal nee ba juventude sira hotu, harii iha 2017 no mos iha 2016 estabelese ona konaba loke oinsa atu promove ba joventude sira, bazeia ba sira vizaun misaun no objetivu neebe mak iha, nunee mos juventude barak mak abandona sira nia estudu serteza laiha fatin ida sira bele aprende, atu nunee fatin kursu sira nee no mos ba fatin sira iha Dili laran nee agora kustu nee mak boot, organizasaun FPDTL ho ninia komitmentu hamutuk estrutura no konsellu sira hanoin diak promove ba alin sira atu nunee sira bele asesu iha FPDTL ida nee, tanba iha FDPTL nee rasik iha kustu neebe mak boot, maibe sira neebe mak kontribui ba organizasaun ida nee hanesan parte ba kontribui ba organizasaun laos atu selu, no oinsa sira bele garantia ba sira nia prosesu aprendizajen.

Diretor nee hatutan, hanoin ba planu ba sira sei hare ba progresu husi sentru formasaun FPDTL ninia, nia hanoin ba oin sira alkansa sira nia programa hanesan nee ba iha minisipiu, agora dadauk iha Munisipiu Baucau neeba iha ona, nia iha tempu para sei hare estabelese tan programa nee ba iha munisipiu seluk, oinsa atu juventude sira bele asesu hotu ba iha programa neebe mak iha nasional, tan nee labele iha nasional deit maibe tenki hare ba mos iha minisipiu sira seluk neebe maka ekonomia laiha, sira sei buka tuir, atu nunee bele tuir programa neebe husi nasional ba munisipiu ninia.

“Ba juventude sira liu liu ba sira neebe agora dadauk tuir aprendisajen, atu labele lakon oportunidade tanba oportunidade ida nee laos agora maibe sei mai, tan nee labele hatoman aan baruk atu aprende, kuandu baruk mak juventude bele lakon oportunidade neebe iha,” dehan diretor nee.

Nia esplika juventude sira neebe mak la asesu ba formasaun FPDTL, maibe FPDTL nafatin nakloke ba Timor oan hotu ba publiku, organizasaun ida nee sei nakloke sei deit mak hakarak atu aprende sira sei simu ho liman rua, sei prepara rekursu no kualifikadu fo matenek ba sira, atu nunee sira bele hatene liu husi esperensia treinador, tanba iha formasaun neebe deit mak hatene no liu husi formador mak bele hatene buat barak, tan nee labele lakon oportunidade tanba dalan seluk laiha ona, no dalan diak mak oinsa aprende atu nunee sai susesu ba moris futuru oin mai.

Iha fatin hanesan Estudante FPDTL, Cristajia Maria Vica dehan, nia sente kontenti no diak tamba osan neebe mak sira selu kada fulan tuir duni sira nia konsiensia, no mos nia kursus iha FPDTL sei kontenti tebes tamba liu husi dalan nee bele valoriza nia hanoin no bele aumenta nia kapasidade neebe mak fo husi treinador ou manorin sira neebe mak iha, no mos iha nee programa neen (6) mak hanesan Ingles, Portugues, komputador, adminisatrasaun no mos jornalismo.

“Iha programa neen (6) nee hau foti programa Komputador, tanba ita hatene komputador ita bele halao buat hotu no bele hetan esperensia neebe mak diak liu tan,” hakotu nia.*

Reportajen: EST/DO,JO
Editor: Ekipa STL

LEAVE A REPLY

Please enter your comment!
Please enter your name here