Fundador Eskola Nobel da Paz Hakotu Iis; Liafuan Ikus Kontrola Eskola

DILI, STLNEWS.co – Fundador Eskola Nobel da Paz no hanesan mos Diretor, Pedro Nunes Menezes, hakotu ona iis iha Kinta kalan, mais ou menus tuku 12:00 OTL. Ninia liafuan ikus mak husu adjuntu haree no kontrola didiak eskola.

“Hau hanesan adjuntu ninia, triste tebes rona notisia ida nee, tanba nia moras lalais los deit, iha semana kotuk liu ba nia mear deit, tanba uluk nia mos ema rezistensia, entaun agresaun militar sira uluk halo nia moras, ninia kotuk laran hetan baku, kesi ho kareta, ida nee mak provoka nia halo moras, tanba iha semana kotuk nia ba foho, fila mai mak moras ida nee. Durante loron hira nia laran ami esforsu an ba haree, nia sente moras todan duni, iha Sesta semana kotuk nia video call mai hau katak, hau moras hau labele ba eskola, maibe husu hau atu haree professor no estudante sira, hau hatan dehan diak, pois mak hau sei haree sira,” dehan Adjuntu Eskola Sekundariu Nobel da Paz, Agostinho Pinto ba jornalista iha nia knaar fatin Kintal Boot, Dili, Sesta nee (20/08/2021).

Agostinho dehan, iha Sabadu semana kotuk matebian sei video call ho adjuntu Eskola Nobel da Paz, husu atu ba haree nia iha uma, maibe konsege ba haree nia toba hela, fo hatene ba adjuntu atu bele haree no kontrola didiak eskola ida nee. Iha Segunda nee nia ba foti osan iha banku, osan ba programa merenda eskolar ninia, mai iha eskola fo hatene Diretor Ensinu Baziku no Adjuntu Direitor, oinsa halo jestaun neebe diak ba eskola ida nee.

“Ida nee mak liafuan ikus koalia mai ami, ninia moras nee ninia oan sira no ami hotu esforsu atu lori nia ba hospital, tanba nia tauk, ida orsida hau ba dehan corona ona, tanba hau nee moras mear nanis tiha ona, maibe familia sira bolu deit doutor privadu mak mai halo konsulta ba nia, fo aimoruk ba nia konsege mear nee para uituan, maibe informasaun neebe hau rona katak, hodi kalan ba haris fatin atakasaun kona hatoba ba laiha ona. Durante nee moras seluk laiha, maibe mear nee deit, dala ruma lori salompas sempre taka hela deit ninia kotuk, neebe mak uluk halo operasi,” tenik nia.

Nia dehan, matebian husi Munisipiu Viqueque, Postu Administrativu Uatulari, no matebian mate ho idade 63 ou 64, eskola nobel hahu harii iha tinan 2003.

Iha parte seluk, Maria Petronela Ximenes, hanesan fen husi matebian, ho matan ben dehan, matebian moras nee mear deit, maibe iha loron Kuarta nee ho professor ida ba banku, foti osan merenda eskolar ninia, maibe nia hodi kalan mate nee la fo liafuan ruma ba familia sira.

“Hau sente triste no hanoin, tanba nia laiha ona ho ami, oan hamutuk nain lima feto tolu mane nain rua, sira boot hotu ona, nain tolu servisu ona, ida seidauk, no ida seluk sei eskola hela,” nia afirma.

Durante nee STL sempre halo intervista ho matebian, ema ida neebe diak tanba sempre halo atendementu ba media sira hodi fo informasaun neebe liga ho edukasaun ninia.*

Reportajen: Jacinta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: