Garante Distansiamentu Sosial, Governu Investe Ba Edukasaun Menus

Program Officer Asia Justice and Rights (AJAR), Inocencio Xavier. (Foto: STL/Santina Castro)

DILI, STLNEWS.co – Relasiona ho Covid-19, eskola sira iha Timor Leste atu garante distansiamentu sosial problema, tanba governu desde ukun aan tinan 10 resin investe ba edukasaun menus.

Program Officer ASIA Justice and Rights (AJAR), Inocencio Xavier hatete, Timor Leste atu garante distansiamentu sosial no fiziku problema tanba estadu desde hamrik tinan sanulu resin investimentu ba edukasaun menus.

“Ita sei utiliza hela infraestrutura neebe mak uluk Colonial husik hela, tanba ita rehabilita deit, eskola balun halo ona konstrusaun maibe lakobre estudante sira,” dehan nia ba STL iha knaar fatin Farol Dili, Kuarta (20/01/2021).

Pur ezemplu UNTL desde uluk too agora iha Fakuldade Siensia Sosiais (FCS), edifisiu konstrusaun tempu antrior too agora nunka aumenta, maibe estudante aumenta, tanba iha rejime espesial no rejime oportunidade haruka FCS simu ema nain hirak deit tuir sala aula.

“Ita bele utiliza sira maibe iha sala balun ami atende 70 resin, entaun hanesan nee ita labele garante nia distansiamentu sosial no fiziku,” nia esplika.

Nia dehan, universidade swasta sira estudante barak maibe sala aula oituan, afeta ba distansiamentu, medidas hotu-hotu ita halo tenki reflete ba rekursu rai laran.

Alende nee mos dosente sira koko orientasaun husi via whatsapp, online, email no sira seluk nia problema internet karun no jaringan lao kleur demais ka loading kleur, nee dala barak afeita ba estudante sira.

Iha parte ida mos dosente sira fo materia liu husi online iha estadu emerjensia nia laran, estudante barak lakonsege asesu ba kuliah online, tanba sira hela iha area remotas dala ruma telefone diak maibe elektrisidade laiha no dala ruma elektrisidade iha maibe jaringan laiha, nee difikulta ba estudante sira.

Nia husu ba governu liu-liu ministeriu relevante sira fo subsidiu internet ba estudante rai laran, nunee fasilita sira liu husi asesu ba kuliah online nian.*

Reportajen: Blandina Mauno
Editor: Carme Ximenes

LEAVE A REPLY

Please enter your comment!
Please enter your name here