Hanorin Estudantes Oras 2

DILI, STLNEWS.co – Ho situasaun pandemia Covid-19, eskola baziku filial (EBF), Hans-Klem Bairru-Pite hanorin estudante sira oras rua no turma ida fahe ba grupu rua.

Koordenador eskola baziku filial (EBF) Hans-Klem Bairru-Pite, Lucas Brandao da Silva hatete, loron ida professor sira hanorin deit oras 2 ba estudante sira, bainhira Covid nee iha sira fahe ba grupu rua, kadeira neebe mak eskola prepara nee koloka tuir distansia neebe mak iha ba covid ninia, atu nunee estudante sira labele besok malu,sira tenke uza maskra, se laiha maskra sira tenke fila.

“Hau hanoin tuir orden husi edukasaun nian ohin dia 21 ami hahu ona,maibe tanba loron dahuluk ba eskola ida nee, ami ohin fo avizu ba sira deit katak, ba professor sira ami tenke cek lai sira nian dokumentus ba vasina nian, nee para professor neebe vasina ona, bele tama iha klase bele hanorin estudante sira,maibe ida neebe mak seidauk tenke halo deklarasaun, depois ami seidauk bele simu nia tama, nee hanesan regras neebe husi leten tun mai, neebe reativa nee aban kinta komesa ona, tuir orariu neebe mak ami fahe iha covid-19 nian tun mai nee, iha grupu ida fahe ba turma 2, maibe grupu ida tama iha tuku 8 sai tuku 10 no grupu rua tama tuku 10 sai tuku 12. Loraik nian grupu ida tama tuku ida sai tuku 3, grupu ida tama tuku 3 no sai tuku 5 loraik,” dehan Lucas ba STL, iha nia knaar fatin Bairru-Pite, Dili, Kuarta (21/07/2021).

Nia dehan, atu evita grupu labarik sira nee iha klase, ho nunee eskola fahe tiha, atu nunee bele iha distansia ba malu,maibe tenke uza maskra, ohin estudantes barak mak mai iha eskola,maibe husi eskola husu sira fila-fali no aban kinta mak mai tuir ida-idak nian oras sei haree mos professor sira nian foto kopia, kartaun vasina sira nee hotu bele relata ba parte kompetente.

Nunee mos, Rui Nunes hanesan inan aman estudante hatete, hanoin ohin nee eskola mos ona, maibe bainhira lori labarik ba eskola,maibe haree deit avizu aban mak eskola los, entaun aban mak labarik sira bele tama eskola hanesan bai-bain.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Xanana Husu Joven Kria Pás & Estabilidade

DILI, STLNEWS.co - Lider nasional Kay Rala Xanana Gusmão husu ba joven iha Bairo Moris Foun C, Santo Antonio Comoro atu kria pás no...

Asosiasaun Emprezariu Xineza Apoiu Material Konstrusaun Ba BOP

DILI, STLNEWS.co - Ekipa voluntariu Mama Bolu Timor-Leste parseria ho Asosiasaun Emprezariu Juventude Xineza Timor oan apoiu material konstrusaun ba Batallaun Orden Públika (BOP)...

PR Ho Espoza Vizita Eko Turismo Sentru Estudu Mangrove

DILI, STLNEWS.co - Prezidente Republika Francisco Guterres Lú Olo no nia espoza ohin Domingu (01/08/2021) halo vizita ba fatin eko-turismu Sentru Estudo Mangrove, Hera. Iha...
%d bloggers like this: