Hasai Professores Reforma, Fo Espasu Ba Idade produtivu

Program Officer ASIA Justice and Rights (AJAR), Inocencio Xavier. (Foto: STL/Santina Castro)

DILI, STLNEWS.co – Program Officer ASIA Justice and Rights (AJAR), Inocencio Xavier hatete, tenke iha sistema ida neebe diak hodi hasai professores reforma, atu nunee fo espasu ba idade produtivu
hanesan profesores voluntariadu sira.

“Los laiha tan oan professors voluntariu iha Timor, tanba ita mos hare ita nia professores sira balun idade avansadu ona tuir lolos sira tenki halo reforma ona, atu nunee ita nia professores sira nebe idade produtivu nee bele halo ona sira nia servisu, hodi troka fali pozisaun sira neebe maka ita nia mestri sira antigu ho idade avansadu ona,” dehan nia ba STL, iha nia servisu fatin Farol, Dili, Tersa (09/02/2021).

Nia dehan, sistema reforma nee ladiak hamosu engrafamentu jerasaun neebe sei mai, nunee sira neebe voluntariu nee kontinua, nunee afeta tebes ba professores sira voluntariu.

Ho prezensa Ministeriu Edukasaun, Juventde, no Despostu bele hare oinsa atu buka alternativu ba asuntu nee, tanba iha munisipiu balun iha 2020, estudante sira halo demo iha Bobonaro tanba husi Diretor Edukasaun Munisipiu Bobonaro haruka hatama osan, atu sai funsionariu permanente neebe ho kobransa ilegal.

“Ami hanoin katak ida nee konseitu ba dezenvolvimentu rai ida nee, tanba nee ita tenki fo kondisoens ba ita nia mestri sira neebe maka dalaruma lao ho distansia dook, no sira laiha uma,” dehan nia.

Reportajen: Santina Castro
Editora: Carme Ximenes

LEAVE A REPLY

Please enter your comment!
Please enter your name here