Hatama “Tugas” Husi Online

DILI, STLNEWS.co – Iha ambitu pandemia Covid-19, estudante sira halo tugas ruma tenke haruka deit liu husi online ba dosentes sira.

Tuir estudante semester 6 husi Institute Siensia Saude (ICS), Cristafora Sandrini Lopes hatete estudantes semester 6, husi ICS, fakuldade siensia saude, departamentu farmasia, durante iha ambitu serka sanitaria, estudante sira asesu aula online kada semana online dala ida, ho razaun tanba kauza husi covid, agora dadaun sira semester 6 ladun asesu ona online, tanba dala ruma pulsa no rede internet ladun diak hodi estimudante sira bele asesu ba programa aula online, neebe governu aplika iha situasaun defisil ida nee.

“Bainhira ami nian dosentes fo traballu tugas ruma, ami tenke haruka liu husi online, tanba dadaun nee ami nian aula prezensial seidauk lao iha ami nian institute, entaun ami halo tugas tenke hatama iha online, para ami nian dosentes sira bele foti ami nia traballu sira nee. Durante iha Covid-19 nee ami la halao pratika iha terenu, ami simu teoria liu husi online,” dehan Cristafora ba STL liu husi telefone, Domingo (01/08/2021).

Nia dehan, Covid-19 lao kuaze tinan ida resin ona, defikulta estudante sira, liu-liu atu halo pratika ruma iha terenu, inklui defikulta ba estudante sira neebe halao estajiu iha terenu, maibe foin dadaun ba halo estajiu dala ida durante fulan ida nian laran iha Munisipiu Ainaro, iha estajiu fulan ida nee sira distribui aimoruk ba hospital Manufahi no Covalima.

“Ami mos ajuda halo servisu iha hospital referal Ainaro, ami soe aimoruk neebe ninia prazu liu ons, labele rai nafatin iha hospital,” katak nia.

Nunee mos Emiliana Juvita Lurdes, estudante husi fakuldade siensia saude, departamentu parteira, husi ICS hatete agora dadaun aula prezensial seidauk lao, estudante sira sei akompania nafatin aula online, semana ida asesu online dala tolu ou hat, fulan ida gasta osan 6 dolar ou liu ida nee, maibe pratika terenu durante nee laiha.

“Ami simu deit teoria, maibe pratika terenu laiha, tuir loloos tenke pratika, labele simu deit teoria, presiza iha pratika. Hau vasina kompleta ona, tanba bainhira eskola reativa, ita bele tuir aula,” dehan nia.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...