Horta: Estudante Tenke Domina Lingua Barak

Eis Prezidente Republika no Laureadu Premiu Nobel da Paz, Jose Manuel Ramos Horta husu ba estudante Timor-oan sira tenke domina lingua barak. (Foto: STL/Blandina Mauno)

DILI, STLNEWS.co – Eis Prezidente Republika no Laureadu Premiu Nobel da Paz, Jose Manuel Ramos Horta husu ba estudante Timor-oan sira tenke domina lingua barak.

Tuir Horta katak, diplomasia tenke investe maibe ho numeru kuantidade ezemplu hau iha diplomata 100 maibe 10 deit mak koalia Inglesh. Sira seluk koalia deit Tetun, Mambae, Makasae, Tokodede, Habu, Galoe no Idate, portantu lingua Tetun, Bahasa no Indonezia lasufisiente ba diplomasia.

“Hau husu ba joven sira estuda haklean lian Lingua Tetun, ofisial Portuges, Bahasa, Japones, Coreia, Xinesa, Europa, Francis no Inglesh, nee mak instrumentu para relasoes internasionais,” katak Horta liu husi seminar nasional neebe organiza husi Estudante Departementu Relasaun Internasional Fakuldade Politika, Universidade Dili (UNDIL), ho tema “Inspirasaun Proklamasaun Independensia ba Resistensia Politika Externa,” realisa iha Kampus UNDIL (26/11/2020).

Nia akresenta, labele hatete katak estuda Internasionais depois hatene deit tetun, Bahasa Indonesia ho Portuges. Klaru lingua sira nee importante maibe, relasoes internasionais tenke domina lingua barak nee diak liu tan.

Inglesh hanesan numeru uluk tinan 40 liuba Francis lingua primeiru iha diplomasia internativu, maibe agora lae kuaze ema barak koalia Brazil.

“Hau koalia lian barak hanesan Portuges, Francis, Inglesh no sira seluk maibe Timor hau haree belun teb-tebes ba lingua no imi aprende lingua fasil los. Realidade wainhira estudante timor oan ba estuda medisina iha Cuba, too fulan tolu, neen deit koalia Espanyol mos. Nunee mos, ba sira neebe ba servisu iha Coreia maximu tinan ida bele koalia lian Coreia furak los,” katak Horta.

Premiadu Novel da Paz nee realsa liutan katak, Xina hatete, estudante Timor-oan sira maximu tinan ida deit bele tama ona universidade estuda lian seluk. Sekretariu Jeral ASEAN hatete ba nian katak, hau garante ba o tinan 10 nia laran Timor sei sai nasaun ASEAN iha nee koalia lingua estranjeiru barak liu.

Agora koalia kona-ba diplomasia konkretu iha tinan 2000 liu ba hau hahu preprasaun atu loke Ministeriu Negosiu Estranjeiru. Momentu nee hatete hau lakonese joven ida no lakoi atu responsabilidade atu halo parte komisaun neebe selesiona.

Maibe kriteria hatete ba sira labele haree deit ba ema nia diploma tanba realidade sosial, haree ba nia kurikulum akademika profisional, konesimentu no historia tanba iha Timor-oan balun iha tempu luta investe sira nia vida iha luta.*

Reportajen: Blandina Mauno/Joaninha Belo
Editora: Ekipa STL

LEAVE A REPLY

Please enter your comment!
Please enter your name here