IFFS Reativa Aula Prezensial

DILI, STLNEWS.co – Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona durante nee.

Padre nee dehan, iha loron 26 fulan Jullu too ohin loron estudante sira ba eskola halo preparativu, kondisaoes uluk neebe hahu ona, hanesan tanki fase liman, sabaun, distansiamnetu no eskrita sira neebe presiza atu fo hanoin fali.

Estudante IFFS vasina nee maka primeira doze 70%, tanba balun sei kompleta iha fulan Agostu bele dehan IFFS prepardu ona atu reativa atividade eskola. Estudante mos oituan deit bele kontrola, maibe estudante mai eskola tenke hatudu sira nia kartaun vasina, atu nunee ami bele hatene, sira vasina ka lae.

“IFFS tenke reativa aula prezensial, tanba ita lakon ona tempu barak, atu nunee prezisa rekopera mos materia sira neebe durante lakonsege online,” preokupasaun nee hatoo husi Reitor IFFS, Pe. Manuel Pinto ba STL, wainhira partisipa reinaun Konsellu Reitor iha Salaun Delta Nova, Kinta (29/07/2021).

Nia dehan, se la reativa aula prezensial ba oin nafatin husi fulan Jullu too Dezembru segunda semana deit, tanba terseira semana tama ona ba ba adventu entaun tempu nee badak, nee duni tama segundu trismestre nee presiza atu hahu fali para iha fulan 5 nee bele adekuadu ho semester ou karga de orariu neebe husu.

Pe. Manuel Pinto esplika, kona ba fasilidade hijiene IFFS 100 %, maibe presiza atu haree maka pelu menus aula rua neebe estudante sira barak iha aula 30 ou 37 pessoas, maibe fahe ba grupu kada aula estudante 15, 16 pessoas.

“Ami presiza atu fahe estudante ba grupu atu nunee sira bele iha distansia ida nee maka buka atu organiza ho dosente sira, atu nunee aula prezensial lao diak.*

Reportajen: Joaninha Belo/Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: