Impaktu Husi Inundasaun, Eskola EBF Balibar Ho Kondisaun Grave

DILI, STLNEWS.co – Eskola sira iha kapital Dili, neebe impaktu husi dezastre naturais, foin liu ba dia 03/04 Abril, eskola neebe grave liu mak Ensinu Baziku Filial (EBF) Balibar.

“Eskola EBF Balibar nee nia kondisaun grave tebes no fatin neeba rai nakfera hotu, parese buka meius para hadia no parte infraestrutura Ministeriu Edukasaun, Juventude, no Desportu (MEJD) hanesan enjenariu sira tenke estuda didiak kondisaun rai neeba, tanba edifisiu sorin-sorin komesa nakfera no sala laran hotu,” dehan Diretor Edukasaun Munisipiu Dili, Duarte Braganza ba STL, liu husi telefone, Segunda (26/04/2021).

Nia hatutan, tuir fali mai mak edifisiu iha EBF Camea Rai-Hun nia kondisaun mos ladiak, nee presiza hadia no iha mota ninin sai ameasadu ona no mos eskola balun hanesan iha EBF Ai-Lele -Hun nia kondisaun mos ladun diak, nee presiza halo bronjong ruma husi kotuk, para rai labele halai no dapur ho faris fatin nee baku fila total.

Nia relata, eskola seluk afeta makaas husi inundasaun hanesan Casnafar grave liu, depois iha EBF Bekudu, kondisaun seluk hanesan eskola 4 de Setembru UNAMET Balide, EBC Manleuana nee presiza husi parte kompetente, para atu fo apoiu halo limpeza.

Iha fatin seluk, Koordenador da Eskola EBF Casnafar Alorico Antonio da Freitas hatete, foin dadaun iha dia 3 de Abril tinan nee, akontese udan boot hodi halo inundasaun neebe afeta mos ba eskola Casnafar grave tebes.

” Nia afirma, lamentasaun laos foin agora maibe desde tinan 2017 too agora sai grave liu tan, neebe sira mos rekomenda ba MEJD para atu haree no tau matan, atu kria diak ponte tenke halo para bee labele nalihun selae afeta, tanba nia volume boot, iha kraik nee volume kiik sempre afeta too eskola.

Total estudante iha EBF Casnafar hamutuk 154 no profesores permanente nain 4 no voluntariu nain 3, maibe sebele karik fo netik prioridade ba sira.*

Reportajen: Blandina Mauno/Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: