Implementa SS, Aula Online Laiha Efikasia

DILI, STLNEWS.co – Durante implementa serka sanitaria (SS) estuda ka aula online laiha efikasia, tanba iha estudante balun iha telefone anroid no balun laiha telefone nomos lina internet ladun diak ba estudante sira labele asesu aula virtual.

Kestaun nee haktuir husi Deputadu Bankada Khunto, Antonio Verdial, liu husi deklarasaun politika, iha PN, Segunda (31/05/2021).

“Hau atu hatete lolos durante implementa aula online, laiha efikasia ladun diak. Rajaun laiha efekasia implemeta aula online, tanba estudante balun laiha telefone anroit hodi bele asesu aula vertual, i mesmu estudante iha telefone anroit maibe laiha osan hodi sosa pulsa,” dehan nia.

Nia dehan, estudante balun iha telefone anroit no iha pulsa, maibe dalabarak redi internet maka la ajuda hodi asesu ba aula virtual.

Nomos iha estudante foun balun seidauk halao sira nia aula virtual, tanba hetan difikuldades ba dosente hodi rekolla sira nia konta online, i estudante balun susar uja aplikasaun online.

“Tanba nee husu ba governu da-8 tetu didak bainhira atu estende tan SS, diak liu mantein deit estadu EE importante rigor iha nia implementasaun lalais iha kontrollu no servisu, tenke integradu ba malu labele hamosu arogansia instituisional,” tenik nia.

Nia afirma, husu ba Ministru Ensinu Superior siensia no kultura katak, dalan diak liu maka reativa fila fali atividade eskolar espesialmente aula prezensiais.

Importante nafatin koopera ho responsavel ensinu superior hotu, servisu hamutuk hodi kria mekanismu neebe apropriadu ho situasaun atual.

Iha fatin hanesan, Sekretariu Estadu, Mericio Juvinal Acara hatete, governu iha duni programa rekoperasaun apredizajen atu rekopera.

“Frakeza sira neebe ita infrenta durante prosesu online governu rekonese iha duni difikuldades, ita bele dehan foin atinji 30% ita nia estudante sira neebe asesu online, entaun maior parte seidauk,” dehan nia.

Nia hatete, tanba nee governu iha planu halo lalaok hodi kolabora ho maluk sira neebe hanorin eskola sira atu halo mos rejumu i governu halo mos rezumu, para depois ita bele fasilita mateira nia rejumu ba estudante sira.

Nia hatutan, maibe husu ba maluk sira neebe hanorin kualker eskola tenke tuir vasinasaun, para bele sente seguru bainhira labarik sira ba eskola tanba mestri sira simu ona vasinasaun.*

Reportajen: Domingas Soares/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • PSA Vasina https://youtu.be/YnwLmcGBFOs Ministério dos Assuntos Parlamentares...

Ezekusaun Orsamentu Ajensia TIC Atinji 25%

DILI, STLNEWS.co - Diretor Ezekutivu Ajensia Teknolojia Informasaun no Komunikasaun (IP-TIC), Roberto Caetano aprezenta relatoriu ezekusaun orsamentu ajensia nian ba Primeiru Ministru Taur Matan...
%d bloggers like this: