Inspektores Hasoru Difikuldade Iha Monitorizasaun

DILI, STLNEWS.co – Durante nee inspektores eskolar iha Munisipiu Viqueque, hasoru difikuldade iha monitorizasaun ba eskola sira, tanba sempre atraza ho kondisaun estrada neebe aat.

Diretor Edukasaun Munisipiu Viqueque, Emidio Amaral hatete, difikuldade hirak neebe inspektor eskolar sira infrenta iha terenu, mak hanesan bainhira sira ba halo monitorizasaun iha eskola sira sempre atraza, tanba haree ba kondisaun estrada neebe aat, liu-liu eskola hirak neebek lokaliza iha area remotas.

“Hau hanoin durante nee ita nian inspektor sira halao sira nian knaar hanesan inspektor, kada loron sira sempre ba halo monitorizasaun ba iha eskola sira, tanba hahu iha loron Sgunda too loron Sesta nee ita nian inspektor sira iha terrenu,” dehan Emidio ba STL liu husi telefone, Kinta (15/04/2021).

Nia hatutan inspektor eskolar iha Munisipiu Viqueque iha Superintendente nain ida, ho Inspektor nain 6, husi nain 6 nee fahe nain 4, hodi bele halo kontrolu iha EBC, nomos nain 2 seluk sira kontrola iha ensinu pre eskolar ninia.

“Hau hanoin, ami iha Superintendente nain ida, nomos inspektor eskolar nain 6, nain 4 halo monitoring ba iha EBC, nomos nain rua seluk ba iha area Pre Eskolar ninia, maibe sira nain rua nee, dadaun nee husi parte MEJD provizoriu sei hapara sira nian servisu, nee inspektora Pre Eskolar. Hau hanoin Inspektor Eskolar seidauk too, maske iha ona planu atu rekruta, maibe dadaun nee ita sei infrenta problema pandemia Covid-19 ninia iha ita nia rai doben, neebe ita hein deit, durante nee Inspektor Eskolar sira nee halo sira nian knaar hanesan bai-bain,” dehan Emidio.

Emidio sublina, dadaun nee EBC iha Munisipiu Viqueque hamutuk 21, ho total estudantes hamutuk 20.061, Pre Eskolar hamutuk 36 ho total estudantes hamutuk 1.945, ESJ 9 no Tekvo 2, Inspektor Pre Eskolar 2 nee mak kontrola 36, no nain 4 seluk ba iha EBC no ESJ.

Iha fatin seluk, Diretor ESJ no 4 Setembru Balide, Sergio A.da Cruz, hatete, sira mai ona fo orientasaun, atu aplika SS nee, durante nee sira nafatin fo orientasaun ba professores sira iha eskola.

“Hau hanoin durante nee ita nian inspektor sira sempre mai fo orientasaun ba ita nian professor no estudante sira, oinsa mak atu bele kumpri nafatin regras iha Covid-19, tanba tinan ida liu ona mundu tomak infrenta pandemia Covid-19,” dehan nia.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...
%d bloggers like this: