Japaun Apoiu Fundu Ba Eskola Fatumaca-Fatulaun

DILI, STLNEWS.co – Governu liu husi Embaixador Japaun iha Timor-Leste, apoiu fundu ba projetu reabilitasaun Eskola Tekniku Fatumaca Munisipiu Baucau, ho konstrusaun Eskola Filial Fatulaun Munisipiu Manatuto.

Embaixador Japaun iha Timor Leste, Kinefuchi Masami hatete, Japaun suporta ona Timor-Leste iha area infraestrutura, dezenvolvimentu rekursu humanu, hadia servisu sosial no area sira seluk durante tinan 20 (rua nulu) resin, inklui mos tempu hirak antes restorasaun independensia.

“Ita sei asina kontratu ba projetu foun rua: rehabilitasaun uma-kakuluk Eskola Tekniku Dom Bosco Fatumaka no konstrusaun uma eskola ba EBF Fatulaun iha Laklubar, Manatuto.

Governu Japaun oferese orsamentu US$90.000 (rihun sia-nulu dolares) ba kada projetu,” dehan Kinefuchi liu husi diskursu, iha Salaun Embaixada, Tersa (23/02/2021).

Nia hatutan, projetu nee ho objetivu atu hadia ambiente edukativu ba estudante Timor oan sira, projetu Eskola Tekniku Dom Bosco Fatumaca, atu halo reabilitasaun uma-kakuluk edifisiu eskola no dormitoriu neebe hetan estraga tempu barak no bee suli tama liuliu iha tempu udan nia laran. Ho montante US$ 90,000 mak projetu nee sei hasae kualidade rezidensia no ambiente edukativu ba estudante badinas sira neebe hamutuk liu 300 iha eskola refere. Projetu seluk ba Eskola Filial Fatulaun mak atu konstrui fila fali sira nia edifisiu eskola.

Embaixador nee dehan, projetu nee harii originalidade ho material lokal hanesan au no tali-tahan sira mais agora edifisiu nee estraga aat no Ia seguru. Ho suporta orsamentu US$ 90,000, projetu nee sei harii sala tolu no eskritbriu ida ba profesores sira atu nunee bele asegura protesaun no seguransa ba
Japaun tahan aan atu la foka ba seitor edukasaun deit, hanesan ita hatene katak doador seluk, barak mak iha interese boot iha area ida nee, maibe responde ba pedidu husi Ministeriu Edukasaun, foin lalais nee Japaun komesa projetu ida hodi hametin siensia no matematika iha ensinu basiku liu husi UNESCO hodi utiliza Japaun nia esperensia no kunesimentu iha area nee.

“Se projetu ida nee hetan susesu, ami hakarak haluan tan ami nia asistensia iha seitor edukasaun nian iha future,” dehan nia.*

Reportajen: Joaninha Belo
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...
%d bloggers like this: