Jornada Pedagozia Tetun No Portugues

Reitor UNTL Francisco Miguel Martins. (Foto: UNTL)

DILI, STLNEWS.co – Estudante UNTL hamutuk ho magnifiku Reitor UNTL ho ninia estrutura hotu realiza “Jornada Pedagozia ba lian Tetun no Portuguesa” iha UNTL. Jornada Pedagozia ba lian rua nee hahu realiza iha tinan 2016 too agora nafatin.

Magnifiku Reitor UNTL Francisco Miguel Martins hatete, realiza tan V Jornada Pedagozia ba lian Portuguesa no Tetun ba estudante universidade. “Iha eventu ida nee, ita nia estudante mak organiza atividade nee hodi realiza tan V Jornada pedagozia iha ita nia universidade, hodi dezenvolve ita nia dalen ofisial lingua Portuges no lingua tentu iha rai laran, tanba nee hahu husi inisiu sira mak organiza rasik aktivdade ida nee too ohin loron.” dehan Francisco Miguel Martins hafoin seminar ho estudante sira iha Kampus Sentral UNTL, Dili, Segunda (19/10/2020).

Ba ema sira neebe mak hahu inisiu sira mak organiza aktividade ida nee, too ohin sira laos alumi ona, maibe sira sai ona profesor hamutuk ema nain 10, tanba nee iha sentru lingua portugueza atu dezenvolve hodi responsabiliza nuudar sidadaun implementa politika estadu neebe konsagra iha rai laran, tanba lingua portuges nee nuudar lingua do ensinu aprendizajen iha universidade hotu iha rai laran, no liuliu iha UNTL.

“Ba ita nia seminar ida nee ba Fakuldade hotu inklui departamentu hotu neebe eziste iha UNTL, iha fulan kotuk ita haree Fakuldade Direitu sira halo debate livre lori lingua portuguesa, hau sinte kontenti, tanba sira fahe grupu hodi espresa sira nia pensamentu livre lori lingua portuguesa tuir topiku neebe sira atu koalia no iha sira nia debate nee mos ita haree no rona sira nia linguase nee lasai husi topiku neebe mak sira hili, tanba nee ita nia alumi sira komesa koalia portugues komesa diak ona, sira balun ita haree nee seidauk brani, maibe balun ita haree nee sira brani ona.

Aleinde nee mos ita dezenvolve hela lingua tetun ba estudante sira nuudar lingua ofisial instituisaun nasional nian, tanba nee ita sentru rua mak hanesan instituisaun nasional linguistika mak lingua Portuguesa no lingua Tetun, konaba lingua portuges nee atu hanorin ema atu dezenvolve aan husi etapa sientifika linguasen nian tuir evoluzaun nee ita hakarak atu lori lingua rua nee ba lian sientifika iha futuru hodi hakerek sientifika neebe mak ita peskiza ho lian tetun,” nia esplika.*

Reportajen: Blandina Mauno
Editor: Ekipa STL

LEAVE A REPLY

Please enter your comment!
Please enter your name here