Kaderneta Iha Munisipiu Baucau Seidauk Sufisiente

BAUCAU, STLNEWS.co – Diretor Servisu Ministeriu Edukasaun, Juventude, no Desportu  (MEJD) Munisipiu Baucau Augusto Ornai Ximenes  hatete, kaderneta ba estudante sira iha munisipiu nee seidauk sufisiente.

“Kaderneta husi ensinu baziku nian, kuaze tres mil ital ba Munisipiu Baucau, maibe labele korespode ba numeru estudante,” dehan Augusto Ornai Ximenes ba STL iha nia knaar fatin, Kuarta (08/09/2021).

Nia hatutan, estudante sira iha Munisipiu Baucau neebe mak seidauk iha kaderneta orijinal hahu husi tinan 2017 to’o mai tinan 2020, nunee obrigatoriu estudante sira iha Munisipiu Baucau utiliza deit kaderneta provizoriu rekapitulasaun notas.

Razaun estudante neebe mak seidauk iha kaderneta orijinal, tanba akontese impase politika neebe naruk, nunee MEJD labele halo imprime ba kaderneta orijinal halo distrubuisaun ba eskola sira.

“Kaderneta ba ensinu baziku primeiru, segundu, terseiru siklu primeiru ano to’o nonu ano nee hahu husi tinan 2017 to’o ohin loron ita laiha kaderneta,” dehan nia.

Tres mill kaderneta neebe mak parte Servisu Edukasaun Munisipal Baucau simu husi MEJD iha fulan Marsu tinan nee seidauk sufisiente ba total estudante iha Munisipiu Baucau, tanba foin mak distribui deit ba numeru estudante três mill ital nee, maibe husi eskola ensinu baziku seidauk halo distribuisaun kaderneta orijinal.

Iha fatin seluk Koordenador Eskola Bazika Filial (EBF) Laua-Liu, Postu Administrativu Quelicai Valdemar Eguido Soares hatete, konaba kaderneta kontinua sai preokupasaun eskola bazika filial Laua-Liu, tanba dala ruma profesores sira uza osan rasik hodi halo print  kaderneta provizoriu ba estudante.

“Governu sira bele karik tau matan ba ami nia eskola neebe mak oras nee estudante sira laiha kadernta,” tenik nia.

Valdemar hatete, neineik ba beibein mak profesores sira kontinua hasai osan hodi print kaderneta provizoriu ba estudante bele fo impaktu fila fali ba ekonomia uma laran.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: