KFP Husu Profesor Sai Manorin Diak

DILI, STLNEWS.co – Komisaun Funsaun Publika (KFP) husu profesores sira iha territoriu, atu sai manorin diak ba estudante sira, tanba futuru nasaun iha estudante sira nia liman.

Kestaun nee Sekretaria Ezekutiva Interina Komisaun Funsaun Publika (KFP), Maria da Costa Oliveira hatoo relasiona ho loron internasional ba profesores, neebe monu iha loron, Tersa nee (05/10/2021).

“KFP husu ba profesores sira atu kontinua sai manorin neebe diak, ba ita nia jerasaun foun sira, tanba labarik sira nee mak sai futuru ba nasaun Timor Leste,” dehan nia.

KFP husu profesores sira hotu iha territoriu laran, dedika sira nia an hodi kontribui ba Timor Leste atu sai diak liu tan.

Iha parte ketak, reprejentante povu iha uma fukun Parlamentu Nasional (PN), Deputada Bankada Partidu Demokratiku (PD) Elvina de Souza kongratula profesores sira, neebe mak kongratula loron internasional ba profesores sira.

“Hau hakarak hato’o parabens ba profesores iha territoriu laran, neebe mak ohin komemora loron internasional profesores nia, tanba nee espera katak, ho loron internasional ba profesores sira nee, tempu to’o ona ba estadu para bele valoriza profesores sira, nunee mos sira neebe sei kontratadu liu husi hadia sira nia salariu,” tenik nia.* Notisia kompletu lee iha jornal STL edisaun Kuarta (06/10/2021).

Reportajen: Alberto Menezes

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...