KHUNTO Husu Governu Reativa Atividade Eskolares

DILI, STLNEWS.co – Bankada KHUNTO liu husi deklarasaun politika, husu ba Oitavu Governu Konstitusional atu reativa atividade eskola, tanba nasaun nia vida ho ejistensia iha edukasaun.

Ejijensia nee hatoo husi deputadu Antonio Verdial, iha Parlamentu Nasional, Tersa (06/07/2021), katak kuandu edukasaun menus, mak nasaun sei la ba oin.

“Husu ba Oitavu Governu Konstitusional atu reativa atividade eskola, tanba nasaun nia vida ho ejistensia iha edukasaun,” dehan deputadu Antonio Verdial.

Nia opiniaun no dever atu disponibiliza ensinu pre-eskolar no ensinu baziku ka sekundariu. Importante maka governu presiza hola responsabilidade hodi eduka sosiedade, atu kumpri ordem Ministeriu Saude konaba protokulu saude.

Nunee mos akademista Universidade Nasional Timor Lorosae (UNTL), Dekanu Fakuldade Siensia Sosiais (FCS), Camilo Ximenes Almeida husu governu atu reativa eskola, maibe governu orienta eskola sira kontinua kumpri regra Covid-19.

Nia hatete, Covid-19 fo impaktu makas ba estudante sira, hahu husi ensinu baziku too iha ensinu superior, tanba kuaze besik tinan ida ona, prosesu aprendizajen prezensial lalao, maibe seidauk iha desizaun final atu bele reativa prosesu refere, maske agora dadaun governu reativa ona misa.

“Hau hanoin diak liu mak reativa eskola hodi bele iha aulas prezensiais no governu orienta nafatin ba eskola ka universidade sira atu kumpri mekanismu Covid-19,” dehan Camilo.*

Reportajen: Natalina Lopes
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: