KHUNTO Rekomenda Governu Rezolve Problema Edukasaun

DILI, STLNEWS.co – Membru Parlamentu Nasional husi bankada KHUNTO, husu ba governu atu rezolve problema neebe durante nee Ministeiru Edukasaun hasoru.

“Bankada KHUNTO rekomenda ba governu rezolve distinu profesor no profesores kontratadu sira, husu atu halo jestaun neebe diak nomos tau atensaun ba profesores neebe finaliza ona formasaun iha infordepe, rezolve kondisaun infraestutura iha eskola bazika sentral filial no sekundaria jeral. Keta haluhan eskola sira neebe hanaran paralelu, husu asegura moru haleu eskola, dapur neebe saudavel tuir kriteriu saude ninian, rekruta profesor no profesores hodi priense disiplina balun neebe too ohin loron,” dehan Deputadu Antonio Verdial iha PN, Kuarta (14/07/2021).

Nia dehan, hanesan reprezentante povu sempre hakat ba munisipiu hodi halo fiskalizasaun iha teritoriu laran. Edukasaun area ida neebe importante no prioridade tebes iha nasaun ida, tanba edukasaun maka xave ba prosesu dezenvolvimentu nasaun ida nian.

“Ami sempre halao fiskalizasaun ba iha teritoriu laran, mesmu kiik lakobre teritoriu tomak, iha nee bankada khunto hakarak haklaken areatomatika preoridade sira nee maka hanesan, ida fasilidade eskola, kondisaun infraestutura, bee no saneamentu, kondisaun dapur hodi responde ba merenda eskolar, kadeira, meja ba estudantes, kondisaun biblioteka I edifisiu ba administrasaun eskolares, no sira seluk,” tenik nia.

Nia salienta, problema boot iha area edukasaun maka kondisaun eskola barak at ona, no fasilidade sira lakompletu, rezidensia ba profesores sira laiha, sigurasan ba eskola laiha, menus rekursu balun, tratamentu bem star profesora no profesora ladiak, laiha fornesementu bee mos ba eskola, laiha bibleoteka, laiha ekipamentu elektronikas ou komputadores no seluk tan.

Nunee mos, Deputadu Bankada PLP, Abel Pirez dehan, nia apoiu deklarasaun husi bankada khunto nian nomos relatoriu husi komisaun nia.

“Ita semana-semana maka koalia kona defisiensia no fasilidade ekola sira, ida nee sai mos preokupasaun husi ami deputadu sira, agora dadauk ami inisia ona proposta ida atu oinsa mobiliza fundu espesial, para bele tau matan ba kondisaun mukit ida nee,” katak nia.*

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: